影片
更多
2024-07-15
81 瀏覽
一開始都係睇大島與龍威而試呢間，之前食開黃埔分店，今次新開分店YOHOMIX喺正屋企附近，真係冇理由唔去食！照常服務唔錯，不時主動更換鐵板。🔥樁(2人前) $698★★★★☆之前散叫，今次叫套餐8款產品，超豐盛！每一款都有5舊左右，鹽味牛舌燒完都好爽嫩，一啲都唔韌，仲有牛味，好食！最正係腹柳小排，花油多，所以燒肉個油膩感會重啲，入口近乎即溶，但配飯食一流！和牛赤身用左醬料醃漬，偏向瘦肉多，唔會油花感重，口感同肉味會更出！特上牛胸腹肉肉感重，但味唔算濃，所以點汁食都會好啲！若雞雞胸柳、雞腿食落唔鞋，雞腿仲幾嫩滑，配搭三個醬汁食唔錯！牛腸偏向油膩，真係要點番啲檸檬汁食。大蝦有2大隻，蝦頭爆膏，蝦肉啖啖肉，正！🔥大判燒!黑毛和牛西冷 $178★★★★★油花靚又平均，和牛西冷切成薄片，唔好睇少佢咁細塊，食落其實都夠，太多會膩！咁靚嘅和牛真係輕輕燒兩燒已經食得，千其唔好燒太耐OVERCOOK！西冷個肉味夠濃，加上有油花，食落肉嫩多汁有奶香味，再撈埋個生雞蛋漿，口感更順滑！另外加錢叫左碗佐賀米($30)，配啖熱飯食一流！有日本食嘅質素！🔥鹿兒島和牛他他 $128★★★★☆每次都會必點呢個，每次都唔
🔥樁(2人前) $698★★★★☆
之前散叫，今次叫套餐8款產品，超豐盛！每一款都有5舊左右，鹽味牛舌燒完都好爽嫩，一啲都唔韌，仲有牛味，好食！最正係腹柳小排，花油多，所以燒肉個油膩感會重啲，入口近乎即溶，但配飯食一流！和牛赤身用左醬料醃漬，偏向瘦肉多，唔會油花感重，口感同肉味會更出！特上牛胸腹肉肉感重，但味唔算濃，所以點汁食都會好啲！若雞雞胸柳、雞腿食落唔鞋，雞腿仲幾嫩滑，配搭三個醬汁食唔錯！牛腸偏向油膩，真係要點番啲檸檬汁食。大蝦有2大隻，蝦頭爆膏，蝦肉啖啖肉，正！
🔥大判燒!黑毛和牛西冷 $178★★★★★
油花靚又平均，和牛西冷切成薄片，唔好睇少佢咁細塊，食落其實都夠，太多會膩！咁靚嘅和牛真係輕輕燒兩燒已經食得，千其唔好燒太耐OVERCOOK！西冷個肉味夠濃，加上有油花，食落肉嫩多汁有奶香味，再撈埋個生雞蛋漿，口感更順滑！另外加錢叫左碗佐賀米($30)，配啖熱飯食一流！有日本食嘅質素！
🔥鹿兒島和牛他他 $128★★★★☆
每次都會必點呢個，每次都唔會失望！他他夠新鮮，睇色澤咁紅潤就知，放耐左亦唔會變黑！撈完生雞蛋、紫菜、蔥花、洋蔥加埋醬汁，好鮮嫩滑溜口感，易入口，完全唔會有腥味。
🌟總括：香港有質素燒肉店，日本入貨，質量、服務保持到。套餐抵食，唔同套餐大同小異，睇自己喜好岩唔岩食。和牛西冷同他他都好推薦！
張貼
