老掌櫃東北菜館 (富達廣場)

營業中

休息中

老掌櫃 （元朗）今晚同朋友一齊去元朗老掌櫃食吓東北菜，近元朗千色廣場。店面企理乾淨，都好多位，類似於小型酒樓咁，有一壺大麥茶，消滯解膩。叫咗蔥油肉絲拌麵，我幾鍾意食呢個，味道啱啱好，唔咸唔淡，肉絲好軟，配埋個獨有醬汁嘅面，味道好夾，蔥好似係炸過嘅，乾蔥，所以好香！麻辣海蜇頭，份量都幾多，海蜇頭超爽口，不過都幾辣，配埋青瓜，一齊入口會好啲。酸菜魚，好少會叫錯嘅菜式，少少微辣，魚肉好鮮嫩，有好多嘅其他配菜紹菜、木耳、豆芽、薯粉。成餐飯都辣辣地，食得好滋味。