永順沙嗲牛肉專門店

營業中

休息中

作為元朗名物嘅永順，成日都排長龍，今日有朋友由港島區嚟元朗，當然要帶佢一試！我哋叫左沙嗲牛肉蛋蟹皇麵、煎豬扒、炸豬扒，仲有凍檸茶同凍齋啡。食物味道有信心保證， 我個人認為沙嗲牛肉真係出色，沙嗲醬香濃，肉質嫩滑，食落去唔會油膩，真係夠味！而煎豬扒就更加唔使講，外脆內嫩，唔會硬，咬落去好有嚼勁，配上少少醬汁，味道更加提升！下次我想試下佢哋嘅開心果西多士，聽講都幾好食，期待！不過，去嘅時候要小心，如果架車泊路邊，真係好易被抄牌，記得留意埋呢個細節，唔好俾麻煩影響心情！總體嚟講，永順嘅食物味道不錯，樓面姐姐服務都幾好，座位雖然密，但好有茶餐廳風味！