影片
更多
2024-07-07
94 瀏覽
芝加哥串燒酒場今日要介紹元朗一間酒吧叫「芝加哥串燒酒場」，一到六點就幾乎滿哂場，呢間酒吧門口有一級，輪椅人士如果要入去飲返一杯嘅話，要自備斜板入去，入到去店員問我坐唔坐到高檯，我話可以，因為我部輪椅可以升高，呢間酒吧空間唔算大，所以店員安排我坐邊度都無問題！1.安格斯牛板腱珍珠米$98（9/10）呢個安格斯牛板腱叫咗5成熟，但食出嚟唔係5成熟，有少少過熟，牛板腱大約都有8片，份量都算多，飯好味係用咗珍珠米，整體唔錯！2.蜜汁黑豚扒珍珠米$89（9.5/10）呢個蜜汁黑豚扒珍珠米有少少似食緊叉燒，黑豚扒肥瘦分明，唔算好韌，大約都有10舊黑豚扒，份量都算多，飯好味係用咗珍珠米，整體好唔錯！3.極品即燒乳豬（一串）$68（10/10）呢串燒乳豬燒到外脆內軟，咬落好juicy，肉質夠嫩，好好味！4.招牌無骨白鱔（一串）$58（10/10）呢個招牌無骨白鱔外皮燒得好脆，一咬就成塊皮脫落，淨返鱔肉慢慢食，白鱔好新鮮！5.炸大八爪魚足（一份）$68（10/10）呢個炸大八爪魚足炸得好脆，八爪魚足鮮味十足，夠哂新鮮，每舊八爪魚足咬落好彈牙，份量超級多，大約都有20舊！6.炸辣雞腿（一份）$58（8/1
今日要介紹元朗一間酒吧叫「芝加哥串燒酒場」，一到六點就幾乎滿哂場，呢間酒吧門口有一級，輪椅人士如果要入去飲返一杯嘅話，要自備斜板入去，入到去店員問我坐唔坐到高檯，我話可以，因為我部輪椅可以升高，呢間酒吧空間唔算大，所以店員安排我坐邊度都無問題！
1.安格斯牛板腱珍珠米$98（9/10）
呢個安格斯牛板腱叫咗5成熟，但食出嚟唔係5成熟，有少少過熟，牛板腱大約都有8片，份量都算多，飯好味係用咗珍珠米，整體唔錯！
2.蜜汁黑豚扒珍珠米$89（9.5/10）
呢個蜜汁黑豚扒珍珠米有少少似食緊叉燒，黑豚扒肥瘦分明，唔算好韌，大約都有10舊黑豚扒，份量都算多，飯好味係用咗珍珠米，整體好唔錯！
3.極品即燒乳豬（一串）$68（10/10）
呢串燒乳豬燒到外脆內軟，咬落好juicy，肉質夠嫩，好好味！
4.招牌無骨白鱔（一串）$58（10/10）
呢個招牌無骨白鱔外皮燒得好脆，一咬就成塊皮脫落，淨返鱔肉慢慢食，白鱔好新鮮！
5.炸大八爪魚足（一份）$68（10/10）
呢個炸大八爪魚足炸得好脆，八爪魚足鮮味十足，夠哂新鮮，每舊八爪魚足咬落好彈牙，份量超級多，大約都有20舊！
6.炸辣雞腿（一份）$58（8/10）
呢個炸辣雞腿唔夠辣，肉質係鮮嫩唔乾，炸得夠脆，好彩有泰式辣醬，點一點辣醬先算係炸辣雞腿，一份雞腿有三隻炸辣雞腿！
7.特濃芝士薯條（一份）$75（7/10）
眼殘劃多咗一份特濃芝士薯條，一上枱見到特濃芝士薯條只係得兩片芝士，薯條拉唔到絲有少少失望，而且仲係自己眼殘叫多咗一份薯條，旁邊仲有茄汁同蛋黃醬比你點嚟食！
8.麻辣薯條（一份）$88（9/10）
呢份麻辣薯條就好正，炸得夠脆之餘又夠哂麻辣，份量都夠多，旁邊仲有茄汁比你點嚟食，夠兩個人食！
9.鹽燒雞軟骨（一串）$16（7/10）
呢串鹽燒雞軟骨有5小粒，每一粒都幾硬下，應該燒得耐得滯！
10.汁煮牛舌（一串）$22（7/10）
呢串汁煮牛舌每舊都係細細舊，每一舊都幾硬下，一串有5小舊！
11.Chicago Logo Beer $78/Pint（9/10）
呢款啤酒最鍾意係飲佢泡沫，影哂所有美食相之後，發現無哂泡沫，店員幫我加返泡沫比我飲，泡沫先係呢杯啤酒嘅靈魂，好好飲！
12.凍紫薯朱古力$48（7.5/10）
原本好期待呢杯紫薯朱古力，一飲紫薯味唔係好覺有喺度，成杯應該叫凍朱古力，朱古力唔算好苦，算唔錯！
2人總共價錢$843，有加一服務費！
個人口味總評分：8.58/10
@chicago57233338
地址：元朗金祥坊2號明雲閣地下A-B號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#芝加哥串燒酒場 #元朗好去處 #元朗美食 #元朗 #酒吧 #串燒 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
張貼
