芝加哥串燒酒場 (明雲閣)

講到元朗宵夜好去處，最近被朋友狂推「芝加哥串燒酒場」，話佢哋嘅串燒款式多到眼花，仲有好多出面少見嘅靚餸。未入門就聞到陣陣炭燒香，口水已經先流一地！😋入到店入面真係有驚喜，環境融合咗日式居酒屋同現代酒吧風格，大屏幕仲播緊足球賽，幾枱熟客响度飲酒傾計，氣氛鬆鬆哋好適合放鬆。招牌串燒逐個試，每款都想encore！極品即燒乳豬串-脆到咬響，油脂香爆炸呢款真係串燒店少見嘅寶藏！一上枱見到乳豬皮烤到金黃油亮，用筷子一戳就聽到「咔滋」聲，簡直係聽覺誘惑。咬落口個皮超級脆，唔會硬到磕牙，入面層薄薄脂肪燒到半融，同嫩到出汁嘅豬肉配埋一齊，油香順住嘴角流落嚟，邪惡到冇朋友！本身調味好夠，唔使蘸醬都好惹味。招牌無骨白鱔串-魚皮香脆，肉質彈到咬唔斷唔鍾意挑骨嘅朋友一定要試！呢款白鱔處理得好乾淨，完全冇細骨，放心大啖咬。魚皮燒到帶少少焦香，咬落脆卜卜，入面嘅肉質超級彈牙，油脂感好豐富但唔會膩，碳燒香完全滲入肉入面，連魚味都突出晒。香蒜蔥花廣島蠔-手掌大隻，咬開爆鮮汁廣島蠔真係大到手掌咁大隻，師傅烤得啱啱好，蠔肉保持住juicy嘅狀態，唔會燒到乾柴。表面鋪滿香蒜同蔥花，蒜香超級出，咬落去第一啖就爆汁，海洋嘅鮮味同碳香、蒜香混合埋一齊，個味層次好豐富。招牌燒雞皮-脆過薯片，油香夠晒連唔鍾意食雞皮嘅朋友都話「返尋味」！雞皮烤得好乾身，邊位有少少焦脆，咬落好似薯片咁，完全冇腥味同肥膩感。Chicago Logo beer,這啤酒醇厚清甜, 酒精不太濃，但入口有一絲絲的甜味，簡直是與串燒最佳的配搭。…查看更多

星期六入左元朗搵食，想同朋友飲酒傾計，搵左呢間串燒酒場，門口已經有推萬聖節佈置，勁有氣氛，一坐底睇menu已經花多眼亂，勁多選擇！🍻PiniChicago logo beer ($88/NH)清清地嘅啤酒，好易入口🍻KIRIN-White Peach ($85/NH)蜜桃味🍑啤酒，好甜，好啱女仔飲💥極品即燒乳豬($38/串)勁脆皮，燒得好好食，肉汁juicy💥 招牌無骨白鱔（$58/串)鱔肉好彈牙，有咬口，魚香味好鮮💥 招牌紙鶴雞皮（$19串）佢地燒到好脆身，好夠薄，配埋椒鹽超好食💥 A5極品和牛粒（$128/串）咬落去牛味超濃，好稔，好高質💥焦糖鵝肝多士 （$108/塊）份量超大，鵝肝好厚，煎得好香，配埋青蘋果同黑醋好夾💥 香蒜蔥花廣島蠔 （$32/隻）燒蠔勁大隻，又飽滿，佢哋嘅香蒜蔥花都好惹味我哋另外仲叫咗好多嘢食，例如雞翼，鵪鶉蛋，甲羅燒，燒虎蝦，炸牛奶…全部都即叫即燒，上海熱辣辣，燒得都好好食，而且價錢仲唔貴，性價比超高！…查看更多

上周與朋友放工在元朗試了＜ 芝加哥串燒酒場＞，一口氣點了17款串燒，再加兩杯啤酒，爽！8點時人不算多，到9點幾全場滿座。👍👍👍大推！🦪帆立貝 🦀味噌甲羅燒 喜歡海鮮的朋友一定要點甲羅燒，蟹膏雞蛋的完美混合😙 帆立貝大大粒超級鮮味， 冇諗過串燒都有高質海鮮食。👍其他美食🐽 乳豬串燒，真係第一次食，肥瘦適中，外脆內嫩，啖啖肉，想叫多碟。🐔芝士雞胸肉串，肉質嫩滑，芝士融化在雞肉上，趁熱好食。🐔日本博多雞心串， 煙煙靭靭，烤制得剛剛好，但記得熱食否則涼了會有少少腥。 🧈明太子玉子燒👍外層焦香，內里柔軟，一碟4件愛吃明太子的朋友必點！🐮燒牛骨髓，好食，嫩滑 🐟無骨白鱔串，肉質鮮嫩，唔腥，魚肉彈牙🫛枝豆全晚吃得最多，一小盤已有許多枝豆，清新解膩。🍘忌廉蟹肉餅正常發揮，外脆內裡creamy好食，口感細膩。🍍鳳梨燒清新，多汁，甜而不膩。🍺店舖力推的手工啤酒，帶有淡淡果香，對於平日不太喝酒的我也能整杯乾了，滿足😄…查看更多

窩夫與蝦子餅很久沒有吃串燒，再訪元朗的「芝加哥串燒酒場」。喝杯Chicago Logo Beer ($88)減減壓充充電，啤酒甜甜的，很易入口。由香蔥燒蟶子王($108) 打頭陣，上桌便傳來陣陣蔥香，蟶子王大大隻，蒜香也蓋不過它的鮮味。招牌無骨白鱔($58)口感彈牙，厚肉鮮甜。極品即燒乳豬($38)的皮燒得香脆，肉嫩多汁，調味剛剛好。香蒜燒鮮鮑魚(3隻$82)肉質有彈性，火候控制得很好。燒羊架($39)十分出色，肉汁豐富，不會太羶。浦燒雞髀菇($18)大大片，而且很厚身。碟上還有鹽燒牛舌心($33)、汁煮牛舌($22)、韭菜燒($16)和招牌雞皮墨魚滑($33)。招牌雞皮墨魚滑的墨魚滑很有水準，吃到不少墨魚粒，真材實料。招牌茄子燒($42)水準依舊。點了兩隻香蒜燒生蠔(每隻$32)，比預期大隻，生熟度剛剛好，一點也不腥，生蠔的鮮味與香蒜的惹味太夾了。荔枝豚肉卷($25)帶著肉汁和油份，加入荔枝可以解膩。安歌半打香蒜燒生蠔($188)，生蠔既大隻又飽滿，吃得太滋味了。最後來一串降火龜苓膏燒($13)，新鮮感十足，燒過的龜苓膏口感彈牙有嚼勁，味道帶微苦，加煉奶正好中和那苦味。…查看更多

忙足成日未食飯，搵朋友出嚟傾吓偈，估唔到酒吧咁夜有飯有串燒，更加諗唔到就係唔想飲酒精飲品，其他梳打飲品唔係Hea調，好飲。同朋友點咗啲串燒，價錢合理，牛舌可以用薄燒好食啲（個人口味）。🫣除咗happy hour，每日好似都有特選啤酒買一送一，朋友點咗set，我就飲無酒精飲品兩杯。😊環境氣氛還可以，唔算太嘈，適合傾偈。👍🏽有陣時攰攰地淨係想傾偈，搵個地方坐吓聽吓歌，揸車唔想飲酒，竟然有驚喜！👍🏽…查看更多

地道串燒鋪的氛圍，空間擺滿鐵桌鐵椅，似港劇的深夜食堂，隨性又熱絡，座位雖擠卻讓聚餐的熱鬧感更濃。食物是這裡的王牌：極品生燒乳豬串外皮脆得「咔嚓」響，油脂香滲進嫩肉裡，鹹香掛味點了兩串無骨白鱔串，外皮焦脆微酥，肉質嫩得能抿開，鮮甜裹滿舌尖；黑松露帶子串3粒飽滿順滑，松露香纏著海鮮甜，一口便被俘獲；川燒肥腸乾淨無腥，焦香彈潤不油膩，隱藏驚喜是雞皮墨魚滑串，焦脆雞皮裹著彈牙墨魚滑，鹽燒多春魚4條個個飽滿，收尾的紫薯朱古力熱乎乎的，紫薯泥裹著流心朱古力，甜而不膩，剛好緩解重口味。香蒜燒聖子王兩隻肉質緊實，蒜香鑽進貝肉縫隙，鮮甜裡帶著辛香，海鮮控必點。搭配餐廳自製的NH/PinChicago logo beer更絕——麥香順口、苦味淺回甘甜，冰鎮後解膩又清爽，是串燒局的靈魂搭檔，幾杯下肚剛好襯托深夜的放鬆感。食物從海鮮到肉串都沒踩雷，搭配自製啤酒，完全是深夜串燒該有的「過癮感」。…查看更多

高質串燒😍 即叫即燒需要d時間，岩曬一班朋友黎邊飲邊食邊傾😛 和牛粒入口即溶🥹 今次黎燒夜，無試到主食，連飯都有好多款揀，男士宵夜想食主食呢到岩曬～🩵焦糖鵝肝多士🩵燒汁雞脾肉串🩵A5極品和牛粒🩵鹽燒牛舌心🩵一口和牛串🩵和牛胸爽串🩵安格斯牛肉蘆筍串🩵 安格斯牛肉蔥串🩵極品生燒乳豬串🩵招牌無骨白鱔🩵原塊紙鶴雞皮🩵手工雞翅釀飯串🩵風味羊肉串🩵脆炸3.6牛乳🩵燒雞泡魚乾🩵焦糖玉子燒🩵新鮮翠肉瓜🩵紫菜年糕串🩵蘋果啤酒&生力啤🍎🍺…查看更多

好耐冇happy hour，朋友仔話近近地係元朗順便食埋飯，搵左呢間有串燒有食飯，再飲下chill下。Chicago logo beer，呢個好易入口，個啤酒有陣清香，連我唔飲啤酒都覺得ok喎！銀撰梅酒，味帶酸甜，啱晒我呢啲唔嗜酒既人。叫左啲串燒，都燒得唔錯，明太子玉子燒有蛋香，上面仲舖滿滿明太子。招牌無骨白鱔肉質爽口冇骨，個魚皮燒香脆。汁煮牛舌，煮得夠腍，用茶碗上都幾得意。極品即燒乳豬，啖啖肉兼有肉汁，又唔會有肥膏，唔錯！焦糖鵝肝多士，鵝肝厚厚，咬落去油脂爆發，上面既焦糖醬剛好甜甜地解膩。黑椒牛西冷珍珠飯，個西冷牛好軟腍，個醬汁好惹味。拉絲水牛芝士條，即叫即炸起，金黃香脆，一咬落去，真係拉絲喎！…查看更多

今晚同好友直衝元朗呢間串燒酒吧，聽講主打串燒同佐酒炸物，啱晒我哋呢班夜鬼！一入到去，氣氛超正，燈光昏暗，音樂輕快，仲有陣陣燒烤香撲鼻而來，已經忍唔住流口水啦！首先試咗佢哋嘅極品即燒乳豬，哇，皮薄脆到爆，咬落去「啪啪啪」聲，內裡肉汁鎖得好好，唔會乾柴，配杯凍啤酒簡直係完美開場！跟住上咗川燒豬頸肉串，辣得來唔過火，豬頸肉肥瘦均勻，燒得啱啱好，入口即化，辣椒粉同孜然香氣四溢，超惹味！汁燒五花腩串係另一大亮點，五花腩肥美多汁，燒完之後表面微焦，汁醬甜中帶鹹，配上少少蔥花，脂肪同醬汁一齊爆開，肥到喊但又停唔到口！素食朋友都唔使怕，新鮮翠肉瓜同浦燒雞脾菇一樣咁正，翠肉瓜清爽解膩，雞脾菇 juicy 得黎仲有燒香，素食者都話值！牛肉控一定愛辯式牛肋肉同鹽燒牛舌心，牛肋肉厚切，燒得外焦內嫩，肉味濃郁；牛舌心彈牙有嚼勁，簡單鹽燒就已經好出色。煙燻和牛牛舌更加係高級貨，煙燻味同和牛油香完美融合，入口即溶，貴少少但真係值得！雞肉系列超多選擇，招牌紙鶴雞皮係必試，雞皮燒得金黃捲曲，脆卜卜又香口，食到停唔到手！鹽燒雞軟骨同雞肉軟骨棒都好正，軟骨有咬口，燒得入味，仲有陣陣蒜香。鹽燒雞翼串同大蔥雞脾肉串都係經典，雞翼燒得皮脆肉嫩，大蔥同雞脾肉一齊燒，香氣逼人！特別推介雞皮墨魚滑串，雞皮脆、墨魚滑彈牙，兩種口感一齊爆發，超有趣！炸物方面，椒鹽九肚魚外脆內軟，椒鹽香到飛起，招牌無骨白鱔則係軟綿綿又入味，炸得金黃唔油膩。甜品位有日本一口蕃薯仔燒同紫菜年糕串，蕃薯仔甜蜜蜜，燒完仲有焦糖香；紫菜年糕串外層脆內裡煙韌，鹹甜交錯，好特別！整體嚟講，呢間元朗串燒酒吧真係寶藏！串燒選擇多到爆，炸物又夠鑊氣，啤酒同燒酒任飲，價錢仲算親民。環境舒服，服務員夠貼心，下次一定再約班兄弟嚟狂食！推介晒啦！🍢🍺…查看更多

「芝加哥串燒酒場」係充滿美式工業風格嘅酒吧，揉合地道串燒與酒場文化，每晚更有指定啤酒買一送一優惠，無論是朋友聚會還是下班放鬆，都非常合適😍🍢 串燒精選串燒選擇極為豐富，由經典到創新款式一應俱全：- 黑毛豬腩串：外脆內嫩，油香四溢- 雞皮墨魚滑串：酥脆雞皮包裹彈牙墨魚滑，口感層次豐富- 燒汁極品牛頸脊：肉質嫩滑，燒汁鹹香入味- 金菇牛肉卷 ：牛肉薄切包裹金菇，燒得剛剛好- 香蒜蔥花燒廣島蠔：蠔身肥美多汁- 咖哩魷魚串：微辣咖哩醬與魷魚的鮮甜互相襯托- 蜜椒廚師腸與蜜汁燒黑豚肉：甜中帶辣，香口惹味海鮮方面亦毫不遜色，鹽燒多春魚、燒雞泡魚干、椒鹽九肚魚等都處理得恰到好處😍🍺 飲品朋友偏好清爽嘅1664，而我喜歡經典嘅Blue Girl😉 ICE LEMON TEA新新怡人。…查看更多

作為元朗人，幾鍾意呢間「芝加哥串燒酒場」，可以啤啤佢，又食到正正串燒！豬肉肉串方面，必點極品即燒乳豬！肉質鮮嫩，外皮香脆，搭配特製醬汁，讓人每一口都能享受到肉汁的豐富滋味。而炭燒豬頸肉油脂適中，煙燻味增添層次感。而他們的牛串也非常出色！鹽燒牛舌心口感柔軟，鹽燒保留了肉質的原汁原味。燒和牛胸爽串肉質細膩，胸肉彈性十足。荔枝牛肉卷搭配獨特，外脆內嫩。而燒汁極品牛頸脊搭配燒汁，風味濃郁，值得一試。芝士和牛串，和牛的鮮美與濃郁芝士的結合，令人愛不釋口。招牌無骨白鱔肉質滑嫩，風味絕佳。而雞皮餃子以雞皮包裹餃子，外脆內嫩，內餡鮮美。汁燒雞橫隔膜串肉質鮮嫩，汁燒後更添風味。原隻大啡菇（月見）香氣濃郁，燒烤後的口感令人驚艷，搭配生蛋黃，增添滑順口感。原條燒茄子燒至軟糯，吸收調味料的精華，清新可口。芝士年糕串外脆內軟，搭配濃郁芝士，口感獨特。吃串燒少不了要啤啤佢！芝加哥新出的特色菠蘿啤，散發濃郁的麥芽香氣，泡沫細膩，搭配燒烤串燒輕中能提升整體用餐體驗。芝加哥串燒酒場 (元朗)地址: 香港元朗金祥坊2號明雲閣地下A-B號舖電話: +852 97777853…查看更多

上星期日晚，我同老公一齊去咗元朗「芝加哥串燒酒場」食晚餐，想搵個地方輕鬆下，結果真係搵啱！餐廳位於泰祥坊明珠閣地下，裝修走美式酒場風，氣氛好 chill，坐低就感覺放鬆。🥢 食物推介（款式超多！） 我哋叫咗一大堆串燒，款款都好有特色：黑松露野菌雞肉串：香氣十足，雞肉嫩滑，野菌提升層次感。牛肋串：肉質厚實，燒得啱啱好，外脆內嫩，叫咗幾份都唔夠喉。極品即燒乳豬串：皮脆肉香，燒味濃郁，冇得輸。燒土匪雞翼：微辣惹味，啱晒鍾意重口味嘅人。一口和牛串：入口即化，油脂分佈靚，食完有幸福感。安格斯牛肉葱串：牛肉香濃，配葱一齊食好清新。招牌無骨白鱔：魚肉滑溜冇骨，燒得啱啱好。牛油帆立貝：海鮮控必試，牛油香滲入貝肉，鮮甜滿分。茄子燒：吸晒醬汁，入口軟滑。黑糖雞脾肉串：甜甜地好特別，雞肉嫩滑唔膩。風味燒雞腎串：口感彈牙，味道濃郁。玉子燒：蛋香十足，滑溜得嚟唔會太甜。椒鹽極品肥牛：鹹香夠味，油脂香氣爆棚。金菇羊肉卷：羊肉冇羶味，配金菇 juicy 滿分。燒雞脾菇：菇味濃郁，燒得啱啱好。鹽燒雞軟骨：脆口彈牙，咬落好 satisfying。炸饅頭：外脆內軟，配煉奶一流，甜品收尾 perfect！🍺 飲品方面Chicago logo beer：我哋叫咗兩杯，冰凍爽口，啤酒香氣唔錯，配串燒真係一絕。💰 價錢與服務食物加飲品共 $968，加一成服務費 $97，總共 $1065。以串燒酒場嚟講屬中上價位，但食物質素高，服務有禮，侍應落單快又有笑容。📌 總結 「芝加哥串燒酒場」係一個好適合情侶週末放鬆嘅地方，串燒款式多元，味道有驚喜，啤酒 chill 到唔想走。我哋食得好滿足，下次會再嚟試其他新款！…查看更多

元朗金祥坊一帶藏著家“芝加哥串燒酒場”，偶然走進，發現是個能輕鬆小聚的地方。店鋪位置在明雲閣地下A - B號鋪，門面不算誇張，但進去後氛圍不錯。吧檯擺滿各類酒，金屬質感的陳列架添了些質感，不管想喝啤酒還是其他調酒，這裡選擇挺多。我們去的那晚，點了NH/GlaSan mig light draught和Chicago logo beer這兩款酒精飲品，酒的口感順滑，搭配串燒很不錯。說到串燒，種類算豐富。極品即燒乳豬串，外皮脆香；燒蜜汁叉燒甜甜鹹鹹；蜜糖雞翼入味，雞肉嫩。還有招牌無骨白鱔串，處理得乾淨，烤後魚肉細嫩。素菜像燒娃娃菜、韭菜燒也不馬虎，粟米燒香甜，炸饅頭外酥內軟，當下酒菜剛好。店裡桌子擺設簡單，不會擁擠，約上朋友來，點些串燒、幾杯酒，聊聊日常，挺舒服。服務員態度也算親切，不會過度打擾，讓人能自在享受時光。要是你想找個不用拘謹，能隨便吃點串燒、喝喝小酒放鬆的地方，這家或許值得一試，在元朗夜晚，給生活添點隨性的小滋味 。…查看更多

呢間餐廳位於元朗既酒吧，入面除左有各種唔同既酒，仲有即叫即燒既串燒，串燒款式超級多，我地叫左呢度必食推介燒乳豬串個皮脆卜卜，雞皮都係呢度送酒好夾，燒龍蝦都賣晒，下次再食，叫左最鐘意食既燒白鱔串，厚肉又嫩滑無骨，皮脆肉嫩。流心芝士漢堡：芝士濃郁而且可以拉絲好香芝士味。牛肋排：切好一片片方便食用。芝士年糕沾上練奶醬，又咸又甜既軟熟口感。炸雞腿：配酒必食炸物之一，外脆內軟。啤酒叫左chigago beer:新品飲落係易入口既菠蘿味酸甜又少少啤酒苦味幾特別易飲。甘濃梅酒：梅味酸甜好飲，又唔會好嗆喉，配埋日本酒杯好靚。…查看更多

最近熱愛串燒，喜歡這裏選擇夠多不會無聊，基本上想吃甚麼都可以滿足。譬如今天主力吃肉，海鮮就先退下，哪天想點海鮮也有不少選擇。串燒缺點可能是「不會飽」，聊著天配啤酒真的不知不覺就吃很多，應該點了差不多20款串燒，精選幾款個人推薦：鹽燒牛舌心：這家有幾款舌料理，牛舌心是最愛，口感夠嫩，爽口有彈性即燒乳豬：真心皮脆肉嫩，燒完keep到肉汁，估唔到乳豬都適合做串燒燒羊架：愛羊可以點，有烤出羊肉的香，肉質不乾不柴無骨白鱔：緊致爽口，唔會腥，無骨啖啖肉好爽燒雞泡魚干：送酒必點，好香口芝士年糕：不是平常放題常見的炸芝士年糕，用炭烤更香更軟糯，重點是用煉奶做醬真的超級適合！可能有人覺得芝士年糕跟串燒格格不入，但真心推薦，不是因為太飽絕對會encore！說到怪，有點好奇餐牌上的烤龜苓膏味道如何平日晚上大約7點入座只有一兩台客人，想不到越夜越精彩，座無虛席。Cheers! …查看更多