BKK

今日去完元創方做完文青行左一日，就去咗樓下一間叫做BKK嘅泰國餐廳食飯，呢度佈置都幾有泰國風情，餐廳嘅侍應亦都極之Nice，食物非常之正宗有鑊氣好好味。大蝦柚子沙律滿滿嘅柚子再加上大蝦，仲有大量乾蔥香葉同埋花生碎，食落去酸酸甜甜又有多重口感非常之開胃。炭燒雞串沙嗲雞串充滿炭火燒嘅香味，而且雞肉保留到肉汁仲極之嫩滑，點埋個沙嗲汁增加增添風味。泰式和牛炒粿條呢碟炒粿條做得超出色，炒得勁有鑊氣，而且和牛超厚身仲要係靚和牛，食落滿滿牛香味。泰式蒜蓉炒芥蘭苗同樣地呢碟炒芥蘭苗亦都係極有鑊氣，帶有蒜香味嘅芥蘭好新鮮一流。冬陰功湯冬陰功湯由大頭蝦、卡菲爾青檸葉、蘑菇、南薑、酸辣湯熬製而成，酸辣度啱啱好，亦都幾重香葉味。原個新鮮椰青呢度揀嘅椰青超大個，好抵飲。芒果椰汁糯米飯芒果非常之甜而且十分軟熟，加上暖暖嘅椰汁糯米飯，夾埋一齊一絕。