六六六六火鍋

營業中

休息中

朋友帶我黎打邊爐佢話呢度既海師傅有出名既私房邊爐食，而且用料新鮮，我地因為一早已經預訂左卜卜蜆湯底所以有卜卜蜆湯底食，呢個湯底新出既師傅話優惠做到四月底，黎之前預訂先有得食價錢$128炸，呢個湯底有成2斤新鮮蜆肉食而且湯底仲好鮮甜，無加味精嫁。另外，呢度仲有手工啤飲叫左荔枝味同百香果，枝裝飲用好方便酒精成份都唔高，飲落易入口又香甜。牆上有靚酒裝飾。手切牛肉同封門柳即切又大片，肉味香濃，手切牛肉唔會好肥。