翠林辣蟹舫

好耐冇食過蟹，諗起呢間網紅食蟹店，去開尖沙咀即刻去食吓。餐廳而家食蟹有八折，另外有好多款小菜都做緊五折，價錢幾優惠。我同老公兩個人食咗幾個招牌餸，全部都有折，感覺比較化算。避風塘炒蟹 炸蒜香到冇得頂，辣度我揀咗小辣，惹味得來唔會辣到噴火，啱晒我口味。講返隻蟹主角，好大隻超級多肉，重點係超級鮮味，肉質嫩滑鮮甜。特別係大蟹鉗部份，超級好味，啖啖肉，肉質Juicy。難怪呢度招牌菜係食蟹，烹調火候剛剛好，鮮味無比。黃金流沙蝦球蝦球好大隻，而且已經剝殼，啱晒我呢啲懶人，蝦球炸得外面酥脆，有淡淡鹹蛋黃香，裏面蝦肉爽滑鮮味。配有沙律，加上清爽嘅沙律中和炸蝦嘅油膩感，又係另外一種食法。黑椒牛仔粒牛仔粒炒得好有鑊氣，黑椒嘅香氣濃郁，好好惹味。牛仔粒肉質鬆軟，唔會有渣起筋，配上粉糯嘅薯仔粒同埋爽口嘅青紅椒，配搭雖簡單，味道卻是絕配。京燒蟹肉粉絲粉絲炒得好香，乾身爽口，配上一啲蟹肉、蛋花、蔥粒。蟹肉唔係超多，但係豉油香氣十足，好有鑊氣，好有大排檔風味，好香。