影片
更多
2022-06-19
21 瀏覽
最近發現到天后有間鐵板燒，景靚、食材高質之外仲要價錢合理。原價$428嘅lunch set依家做promotion先$368一個人。唔即刻book返個lunch都對唔住自己😤！第一道係水雲菜，口感滑溜。加左醋同薑蓉去處理，酸酸地有醒胃之效。季節刺身有兩款，分別有油甘魚同三蘇魚。油甘魚魚皮經熱水輕燙，變到可食用之餘亦增添彈性。蔥放入三蘇魚卷住食，更帶出魚鮮味。精選壽司同樣都有兩款。愛知縣深海池魚🍣經已調味，唔使再點豉油，食落爽口肥美。沖繩金目鯛🍣以日本岩鹽青檸汁調味，愈細嚼愈感受到魚香味溢出。食完生野有香煎鵝肝配藍莓醬，選用法國鵝肝，油脂入口慢慢化開。藍莓醬幾出色，同鵝肝簡直係超完美配搭。到鐵板燒啦！首先有牛油鐵板大蝦，蝦係原隻野生大虎蝦。一蝦三食，先食原味再點檸檬汁，最後點特製海鮮汁。我自己就偏好點檸檬汁，因為帶清香。之後有香草牛油帆立貝。選用北海道帆立貝，配上特製牛油汁。肉身夠圓厚，而且鮮嫩多汁。一隻唔係幾夠🥲🤣再嚟係美國頂級牛肉，配有黑椒鹽、炸蒜片同洋蔥。牛肉粒夠嫩。洋蔥加入左醋可以解膩。當然唔少得鐵板炒飯配海帶麵豉湯。炒飯加入左櫻花蝦，香上加香。肚仔已經食到漲漲，但最後仲有炒什菜
景靚、食材高質之外仲要價錢合理。
原價$428嘅lunch set依家做promotion先$368一個人。
唔即刻book返個lunch都對唔住自己😤！
第一道係水雲菜，口感滑溜。
加左醋同薑蓉去處理，酸酸地有醒胃之效。
季節刺身有兩款，分別有油甘魚同三蘇魚。油甘魚魚皮經熱水輕燙，變到可食用之餘亦增添彈性。
蔥放入三蘇魚卷住食，更帶出魚鮮味。
精選壽司同樣都有兩款。
愛知縣深海池魚🍣經已調味，唔使再點豉油，食落爽口肥美。
沖繩金目鯛🍣以日本岩鹽青檸汁調味，
愈細嚼愈感受到魚香味溢出。
食完生野有香煎鵝肝配藍莓醬，選用法國鵝肝，油脂入口慢慢化開。藍莓醬幾出色，同鵝肝簡直係超完美配搭。
到鐵板燒啦！
首先有牛油鐵板大蝦，蝦係原隻野生大虎蝦。一蝦三食，先食原味再點檸檬汁，最後點特製海鮮汁。我自己就偏好點檸檬汁，因為帶清香。
之後有香草牛油帆立貝。選用北海道帆立貝，配上特製牛油汁。肉身夠圓厚，而且鮮嫩多汁。一隻唔係幾夠🥲🤣
再嚟係美國頂級牛肉，配有黑椒鹽、炸蒜片同洋蔥。牛肉粒夠嫩。洋蔥加入左醋可以解膩。
當然唔少得鐵板炒飯配海帶麵豉湯。炒飯加入左櫻花蝦，香上加香。
肚仔已經食到漲漲，但最後仲有炒什菜，有香菇、椰菜、紅蘿蔔。
為是次嘅鐵板燒餐畫上一個完美嘅句號。
（飽到真係食唔落甜品了🤰🏻）
💡傍晚時間會靚啲，可以望住海景加日落咁享受～
〰️〰️📍 宴．鐡板燒 (天后)
天后電氣道54號亨環天后24樓
張貼
