海膽仔

營業中

休息中

新蒲崗對我黎講係個幾陌生既地方，係一個好特別既小區，今日朋友帶我黎左呢間餐廳食日本野，見佢大推咁就一起試試啦。最初以為海膽仔係專門食海膽既，原來仲有其他好多唔錯既日本野，我地今次主要點左壽司同拉面一齊Share。-秘製牛舌粒拉面$68跟餐送埋壽司兩件、沙律同海鮮湯，呢個價錢真係超值，賣相方面唔錯，牛舌同其他配料份量算好多，而且勁大舊又厚切，足料！試試個味道，係唔錯，至於個海鮮湯亦好好飲，味道岩岩好又足料，絕對推介！-壽司方面點左唔同款式，包括海膽軍艦、火炙三文魚腩、牛油果軟殼蟹卷、油甘魚腩壽司、馬刀貝同蝦，壽司質素唔錯，亦幾新鮮，特別推介海膽軍艦，海膽味道唔錯，馬刀貝既質感都唔錯，爽口好食，係我鍾意既壽司。呢間餐廳會推介朋友，價錢相宜且味道唔錯。