張公子

營業中

休息中

第二次黎食差左好多。😅點完菜唔夠5分鐘野食已經上哂枱，可想言之質素會有幾好。首先招牌叉燒偏肥，舊舊都斬到兩隻手掌咁厚，好難入口。豔影蝦球係極度失望，由$168加價到$218，唔係用新鮮蝦都算，上碟已經凍，外皮炸粉極厚又炸唔乾身，外皮仲大舊過入面隻蝦，越食越滯。🥴本來點個龍皇吐霧鮮鮑魚諗住打卡，但呀姐落乾冰過程整得好求其，成唔到水晶球。鮑魚味道中規中矩少少花雕味，但打唔到卡基本上叫黎無意思。😅總括黎講，份量睇落大份，但質素一般，同價錢不相符，服務亦有待改善。