影片
更多
2025-03-25
0 瀏覽
曾於高級壽司界聞名的Masataka Fujisawa師傅(Masa San), 蘇施黃都拍片盛讚過佢. 原本係銅鑼灣皇冠假日酒店一樓Masa CP只招待熟客, 最近係酒店同層開左呢間Satori Charcoal Dining, 同樣由Masa San策劃主理. 今次為同朋友慶祝工作interview成功, 搜尋一輪專程慕名而來 . 環境闊落高級, 除左慶祝都好岩業務上應酬請客.前菜慢煮牛脷配酸爽醃菜同芥末醬, 醃製三文魚配山葵醬同富牛油香的蝦多士之後三文魚箱押壽司 , 醃漬三文魚同醋飯一層隔一層, 精巧細緻拖羅配 tartar sauce 估唔到咁夾. 馬鮫卷帶煙燻香, 新鮮的鯛魚配以海膽醬真丈湯搭自製蝦丸, 蝦丸有蛋的感覺, 鮮香軟嫰而蔬菜湯頭清澈, 味道清淡中帶鮮味燒物有自家製雞肉糰子及自選的肉. 我同朋友分別選羊同鴨share. 火候掌握得恰到好處，肉質軟嫩。雞肉糰子, 丸有軟骨豐富口感 , 配搭的味噌醬有深度, 醬香醇厚帶餘韻, 令人滿足鴨肉鴨味香, 新鮮感十足, 軟滑帶野性味道而羊肉肉質軟嫰無比, 有羊獨特香味而不令人抗拒南瓜北海道八爪魚沙津上係切得極幼細炸薯絲, 體現
原本係銅鑼灣皇冠假日酒店一樓Masa CP只招待熟客, 最近係酒店同層開左呢間Satori Charcoal Dining, 同樣由Masa San策劃主理. 今次為同朋友慶祝工作interview成功, 搜尋一輪專程慕名而來 . 環境闊落高級, 除左慶祝都好岩業務上應酬請客.
前菜慢煮牛脷配酸爽醃菜同芥末醬, 醃製三文魚配山葵醬同富牛油香的蝦多士
之後三文魚箱押壽司 , 醃漬三文魚同醋飯一層隔一層, 精巧細緻
拖羅配 tartar sauce 估唔到咁夾. 馬鮫卷帶煙燻香, 新鮮的鯛魚配以海膽醬
真丈湯搭自製蝦丸, 蝦丸有蛋的感覺, 鮮香軟嫰而蔬菜湯頭清澈, 味道清淡中帶鮮味
燒物有自家製雞肉糰子及自選的肉. 我同朋友分別選羊同鴨share. 火候掌握得恰到好處，肉質軟嫩。
雞肉糰子, 丸有軟骨豐富口感 , 配搭的味噌醬有深度, 醬香醇厚帶餘韻, 令人滿足
鴨肉鴨味香, 新鮮感十足, 軟滑帶野性味道
而羊肉肉質軟嫰無比, 有羊獨特香味而不令人抗拒
南瓜北海道八爪魚沙津上係切得極幼細炸薯絲, 體現出師傅刀工. 入口極為香脆卻不會有令人刮口不適, 應力而斷, 帶有炸物香口而不油膩
Hokkaido たこ、章魚（八爪魚）外皮酥香, 非全熟內裏軟糯 而味道充足, 有神來之筆感覺, 配以新鮮醒胃的沙律菜有美好既襯托力
煮物同朋友各選一分享, 銀鱈魚煮至極致而不鬆散, 入口近乎即溶, 有淡淡味淋的甜口味更帶有一絲絲柚子皮香
而豚肉角煮有咬勁, 醬香有令人懷念的味道
和牛朴葉味噌燒 , 係塗上味噌的朴葉放上和牛再係炭爐輕燒至medium rare, 火喉剛好. 和牛油香帶淡淡炭燒香, 好食而不膩
海鮮釜飯材料豐富, 有蝦、小白魚、海膽、三文魚、三文魚籽等, 亦會加上脆米粒. 味道口感層次豐富.
另有唔同調味料盒可按個人喜好追加, 個人幾喜歡柚子七味粉, 柚子香幾清新
先單食釜飯, 第二碗倒入加dashi 做茶漬飯, 再配有帶紫蘇香味的海帶同wasabi, 有トロトロ感 一面扒 スルスル吸着有莫名其妙既幸福感
最後甜品有豆腐雪糕配糯帶點嚼勁的白玉同綠色的櫻花葉醬汁同紅豆, 豆腐再加有醬汁帶丁點咸同梅子醋吊出櫻花的清香混合紅豆蓉, 味道提昇一個層次, 淡雅而不膩
一餐晚餐, 完美演譯和食的精髓, 食物出色, 不往此行
亦好高興見到Masa San 仲合照一張
張貼
