柴夫人魚館

營業中

休息中

今日經過尖沙咀，撞到新開咗一間四川菜，彩色嘅招牌非常吸引，於是就同朋友入去食個lunch！經店員推介，我叫咗佢哋嘅招牌菜：🌟招牌豆花鱸魚米線- 我第一次食招牌豆花鱸魚，估唔到豆花超級香滑，豆味非常之濃郁，鱸魚肉質細膩嘅又鮮美。火辣嘅濃湯再配上彈牙嘅米線，食上嚟口感十足！辣得好滋味！🌟梅菜扣肉煲仔飯- 依個梅菜扣肉飯非常有驚喜，一上枱已經聞到濃濃嘅梅菜扣肉味，每一啖都有濃郁嘅扣肉醬汁，真係食到停唔到口！🥛自磨豆漿- 豆漿系自家製作，每啖都充滿豆味，非常香濃！🧈焦糖豆花- 豆花好滑，充滿豆味，細細碗份量啱啱好，做飯後甜品一流！