Poking

最近食poke bowl食上癮😍 唔單止賣相靚，仲要健康同好食。我一知上環開咗間新舖，就過嚟幫襯喇！Signature bowl，有create your own bowl，怕冬嘅朋友仲可以試下佢哋嘅鰻魚暖丼。以手機落單，方便快捷，仲有得customize，例如汁另上、少汁、少飯等等，真係好貼心，仲要唔收加一！我就揀咗$78起嘅create your own bowl，加配某幾款toppings要加錢。我呢碗poke bowl 就$143，但就好豐富，蛋白質十足。我就揀咗沙律底，健康啲嘛～ 如果怕唔夠飽嘅可以half half，一半飯一半沙律菜。而餸呢我就揀咗吞拿魚 + 香煎雞扒 + 牛油果、雜錦菇、蘭王温泉蛋。上面再放上日式飯素同木魚絲，滿滿的好吸睛😍醬汁就揀咗芥辣沙律醬，一啲都唔攻鼻所以唔洗擔心。