Poking

今日夜晚屋企又無野食，係openrice搵下有咩好食。見呢間店幾多like, 所以就黎呢間食下。我地揀左兩個餐Creamy Baby同moo-moo.每個餐既底可以揀壽司飯或者糙米飯或者沙律菜。野食黎到，意外地大碗，裝得滿滿的。Creamy Baby有三文魚，牛油果 ，豆腐，青瓜 ，蟹子，木魚絲，脆炸蒜粒等等。材料算是新鮮。Moo-moo 材料有蝦仁，西蘭花，菠蘿，藜麥車厘茄沙律。菠蘿係新鮮菠蘿好多汁，令整碗食落幾好味。我地仲點左一杯凍蜂蜜柚子茶同蜆湯。個湯超級鹹，同有種唔知咩怪味，好難飲。柚子茶就正常。整體黎講，覺得無其他人講得咁好，但份量真係幾多。蜆湯就千其唔好點。