名門私房菜

營業中

休息中

就嚟到聖誕節肯定會同朋友食好多西餐，反而同屋企人就鍾意食中菜，所以今晚去咗灣仔食名門私房菜先嚟一個熱焫焫嘅湯羹：花膠燴海參，師傅用心將全部材料切到大小一樣，口感豐富，湯底有濃濃嘅雞湯及豬骨味，上面再灑上少少金華火腿絲，香味倍增青芥末冰燒雞，其實係店舖招牌嘅手撕雞，加上大量炸芋頭絲，青瓜絲，海蜇，酸薑絲，而用少量Wasabi汁吊味，清新感減去雞絲嘅油膩，開胃好食黃金蝦多士，本來諗住黃金蝦已經係好邪惡，點知呢個黃金蝦多士，簡直係邪惡嘅極致，炸香嘅蝦多士非常大件，唔知用咗幾多隻蝦，上面更加鋪滿咗用牛油炒香嘅鹹蛋黃蓉，越食越有內疚感，但係又真係非常好食新鮮黑草羊腩煲，羊腩煲上枱時排列得好整齊好靚，應該係成幅羊腩攞去炆，然後再切件。羊腩固然炆得又腍又入味，連埋皮一齊食，加上皮下有少少脂肪，騷味唔算濃，另外加咗大量炸過嘅枝竹，冬菇，馬蹄，冬筍全部都好入味，配角都出色好食，呢煲羊腩煲不得了。食到咁上下再加返啲湯汁俾我哋淥新鮮生菜，生菜揀咗最嫰嘅部份，吸收咗醬汁，爽甜好食臘味糯米飯，特別用咗鮮蝦肉代替蝦米，而臘腸，潤腸，臘肉及冬菇切到非常碎，大細粒粒平均，咁樣會容易滲味落啲飯到，令飯粒吸收哂D香味，所