功德林上海素食 (北京道一號)

營業中

休息中

同朋友食左成個聖誕節，都係時候要陪下阿媽，食番餐齋，所以就同佢去尖沙咀功德林一試。果日好好彩，因為上到去都無咩人，又咁岩窗口有張二人枱，食景當然係一流，成個文化中心係對面，加上當日天晴，心情都特別好！首先我地叫左三樣野食，先來湯麵，如果仔細Ｄ去睇，其實Ｄ湯都好多油，麵既韌度都偏林，不過就勝左無咩味精，只係太油，所以都OK既！之後就上粗炒，都真係泊得住出面既上海餐廳，但‥‥‥又再仔細去睇，都係用左好多油去炒，味濃，唯一好處係菜多過麵，今次呢個麵既韌度好過湯面，可惜偏少，四樣之中係最好既一道菜。食上海野好少唔叫煱貼，就咁睇個樣就知‥‥‥唔得！皮已經林晒，個底又無脆既口感，咬落去層外皮又于，入面只有菜同菇，淡而無味，唯有點醋先有番D味道，失色了！一開始想叫呢個但咁岩賣晒，點知過左十五分鐘，聽到侍應對話，話廚房整番，咁我就那那聲叫番一碟。確實賣相係唔錯，而且真係一咬熱辣辣，我都辣親個咀，但又係太油，食完都幾thirsty，入面既蘿蔔絲，一條條好分明，但我期望係一咬入口，Ｄ蘿蔔絲即溶係口，但整體都ＯＫ既！如果食上海野係離不開多油，咁確實呢餐係多油左Ｄ，不過食景同服務真係好好，打個和啦！