功德林上海素食 (北京道一號)

.‼️❤️ 記得CLICK我PROFILE關注我呀 ❤️‼️.🥬 新出亞洲風味新派素菜 @ 🌟 功德林上海素食 🌟.💁‍♀️ 圖片展示美食：蜜汁紫菜火腿卷 HKD 118雜菌素碎肉炒金不換配薄餅 HKD 138咕嚕肉 HKD 128茄子南瓜排骨煲 HKD 108.🍃 朋友仔介紹呢間最近出咗新派亞洲風味嘅素食，加上餐廳位置好方便，透光度十足有靚景，一於試下。.🍯 呢個「蜜汁紫菜火腿卷」外層有蜜糖嘅光澤，素火腿同紫菜層層相間，煎到微焦嘅表面沾滿琥珀色蜜汁，咬落去先嘗到紫菜嘅鹹，再滲出素火腿嘅豆香，最後係蜜糖嘅回甘，層次好豐富！.🍄 好有創意嘅「雜菌素碎肉炒金不換」，鑊氣十足嘅雜菌同素肉碎沾滿金不換獨特香氣，用薄餅捲住餡料一啖咬落，辣中帶甜嘅醬汁同爽脆蔬菜，素食都可以咁惹味！.🍍 睇住呢碟閃住光澤嘅「咕嚕肉」已經流口水！外層炸到脆卜卜，掛滿酸甜適中嘅咕嚕汁，搭配新鮮菠蘿同青椒，每啖都以假亂真。.🎃 掀開砂鍋蓋嗰一刻，「茄子南瓜排骨煲」嘅熱氣撲面而來！南瓜煮到綿密，茄子吸盡素排骨嘅豆製品鮮味，濃稠醬汁撈飯真係無得頂，秋日暖胃首選。.🌍 睇餐牌有好多不同選擇，同埋食落唔覺得油膩，坐得舒服，難怪咁好生意啦。.📍 尖沙咀北京道1號北京道一號7樓.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

最近同屋企人去咗北京道1️⃣號食齋😆～呢間餐廳喺銅鑼灣都有分店，係好出名㗎！呢度環境好大，好多人一家大細都嚟食，茶樓式裝修，燈光光猛，對住維多利亞港食晚飯，真係好正🌃！另外，不得不讚佢哋嘅服務！由落單到上菜，每位店員都掛住笑容，服務貼心，令成個用餐過程好窩心👍〰️〰️〰️〰️〰️〰️〰️〰️芙蓉炒桂花翅 $128 一上枱已經聞到好香～食落有啲似賽螃蟹，加埋醋一齊食，酸酸地好開胃，口感滑溜又有層次，真心有驚喜👍！砂窩獅子頭 $168服務員話呢個係得獎菜式🏆，用猴頭菇、素肉同馬蹄整成丸子，再加素魚翅同上湯燉成。最鍾意佢個醬汁，濃郁得嚟唔膩，仲有好多菜同冬菇，食完暖笠笠好滿足～上海粗炒麵 $108屋企人大讚呢個炒麵！炒得啱啱好，唔會太濃味又唔油膩，清淡得嚟夠味，食完覺得好健康無負擔🍜～素仁鬆配叉子餅 $128素仁鬆係松子、紅蘿蔔同菜粒整成，倒入脆卜卜嘅叉子餅入面食，口感豐富，香口得嚟又唔油，好啱鍾意食脆口嘢嘅人～〰️〰️〰️〰️〰️〰️〰️〰️〰️💰 總計: $585.2, 2位用餐(已包含10%服務費)…查看更多

位於尖沙咀北京道1號❣︎功德林上海素食❣︎係一間超知名嘅素食餐廳🍴✨曾榮獲米芝蓮推介添😋最新推出左亞洲新派素食餐牌，迎合年青人👦🏻口味，呢到可以飽覽維港🌃景色，服務周到👍🏻素食高質👍🏻超推薦比素食人仕🫶🏻❣︎土匪腐皮卷❣︎(4件)$98外形整到炸雞髀一樣🍗😍非常酥脆，內餡嘅豆腐腐皮卷鮮嫩鹹香。❣︎素大蝦冬陰功湯❣︎$138🌟必食推薦😋👍🏻冬陰功湯酸酸辣辣，非常濃郁鮮味，有素菇素蝦等配料，飲完好醒胃。❣︎蜜汁素叉燒❣︎$138素义燒味道香甜，有少少🤏🏻燶邊帶有焦香😋口感更加好👍🏻❣︎雜菌素碎肉炒金不換配薄餅❣︎（4件)$138🌟必食推薦😋👍🏻呢個食起上來完全唔似齊🤤配料炒得香濃惹味，薄餅乾身有微燶焦香味，夾埋一齊食超滋味👍🏻❣︎層層斑斕椰汁糕❣︎(4件)$48椰汁糕軟糯煙韌，有淡淡椰漿香甜味😋同斑斕青草香氣。❣︎砂窩獅子頭❣︎$168肉丸口感軟嫩多汁，紹菜同冬菇炆得超入味😋👍🏻❣︎涼拌茄子❣︎$85茄子口感軟糯，醬汁濃郁惹味。❣︎香酥鯽魚❣︎$118🌟必食推薦😋👍🏻內餡嘅芋泥整成魚嘅形狀，炸至酥脆，口感鬆軟，超有創意。❣︎菠蘿咕嚕肉❣︎$128素咕嚕肉驟眼睇幾可亂真😆配搭埋彩椒，菠蘿，真係色香味俱全，酸酸甜甜好開胃。❣︎泰式大菠蘿炒飯❣︎$168原隻菠蘿🍍上，炒飯口感濕潤軟糯，內有提子🍇乾同菠蘿粒。…查看更多

呢日真漢子同太太去咗尖沙咀北京道一號嘅「功德林上海素食」，由於係食飯順便探店，所以點嘅菜式未必係最招牌果啲。我哋今次點咗：🥣 竹笙百合北蟲草燉湯 （位）$75飲落非常清甜，冇話加咗太多調味，感覺味道都係來自湯料嘅鮮味，所以都幾真材實料。👍🏻🍲 京滬酸辣湯羹（位）(有蛋）$60打正招牌叫上海素食，但呢個酸辣湯就唔算特別好味。酸同辣度都唔係好夠，而且個素蝦咬落去竟然有啲「死實實」 😑，其實唔加素蝦會更好。湯料仲有竹笙，筍絲，木耳。🐮 沙嗲金菇肥牛煲 $118餐牌上有隻辣椒，估唔到真係幾辣喎。我太太喜歡佢嘅素牛肉，覺得好滑，我都覺得滑，但比較偏好有咬口啲嘅口感。味道上呢個煲冇令人失望，非常入味，亦令人好想叫飯食。😂🐟 羊肚菌扒鱈魚 （有蛋）$128羊肚菌其實响另上果碗汁度，汁基本上係素蠔油調配嘅。鱈魚係炸咗，所以蛋應該用咗响炸漿嘅部分，除非唔係。咬開舊魚睇下咩樣先？咦，豆腐嚟嘅？講真舊炸豆腐好好味，尤其點少少羊肚菌汁食，真係外面香脆，入面嫩滑。但點解唔開心見誠講係炸豆腐呢？真漢子覺得期待食素魚嘅人未必好多，因為間間餐廳用嘅素肉質素都好參差。反而好多人都鍾意食豆腐㗎嘛（無論是否素食者），尤其外國人食中式素食，好多時都會點豆腐嘅菜式（我睇返餐牌英文都係寫 vegetarian cod fish)，都未計有啲人好唔鍾意食素肉，所以咁樣命名個菜式真係唔太明智。😅食咗咁多濃味菜式，見佢哋鮮榨果汁就叫嚟飲吓。$38 杯可選蘋果汁，或蘋果汁拼 西芹/青瓜/胡蘿蔔汁。一樣價錢梗係揀雙拼啦，太太揀咗拼西芹，我就揀胡蘿蔔。但竟然係啲部長直接响個 counter 即榨比你個喎，咁搞笑嘅，好「綠野林」喎呢單嘢。🤣蘋果汁加胡蘿蔔汁毫無違和感，而且都同時飲到兩種汁嘅味道，非常好味。太太嘅西芹汁都唔錯，冇咩草青味，十分清新。😙埋單五百幾蚊，送咗兩張 $100 卷可以消費滿 $500 用一張（適用於尖沙咀或銅鑼灣店），兩個月內使用。遊客區嚟講呢個價錢都差唔多啦。😀…查看更多

話說我媽茹素好多年，同屋企人食飯唔想多諗，最好選擇就是揀素食。誠意推介💚功德林上海素食尖沙咀北京道一號呢間已經食左十幾年，除了同家人初一十五食，我仲成日同朋友開心食，尤其依家我地更關注健康，大家間唔時都會食素！✨亞洲新派素食餐牌（有驚喜！）今次見新推出餐牌更貼近年青人口味！數十款選擇，講真我完全分唔到素菜可以做到咁高水準！✨泰式大菠蘿炒飯炒飯粒粒分明，菠蘿酸酸甜甜，泰式口味好啱食！✨素大蝦冬陰功湯同平時飲開的冬陰功湯好似，香濃入味，配料非常豐富，香茅、檸檬葉味突出，有好多蔬菜菇類加上用大豆做的素蝦。✨蜜汁脆叉燒小朋友最鍾意呢碟！這款用麵筋做得和叉燒質感相似🤞🏻✨土匪腐皮卷上菜時我刻意問這碟是什麼🤔 意想不到咬開才發現內里心思，是層層疊住捲起的腐皮，外皮酥脆，帶點微辣，口感十足。✨芙蓉炒桂花翅比預期中好味，清新之選，用咗蛋白去炒，有啲似食賽螃蟹嘅感覺。✨沙嗲肥牛粉絲煲鍾意食重口味嘅，呢個真係必點！個粉絲非常之入味，沙嗲汁一流，反而個肥牛應該用豆做嘅就普通啲，不過不失✨咕嚕肉用猴頭菇做嘅咕嚕肉真係同平時食嘅咕嚕口感好似！基本上都係我成日encore嘅菜式之一。✨津白炒年糕好標準嘅上海菜式，正常發揮✨斑斕椰汁糕推介椰汁糕，斑斕味同椰汁味層層相間，煙煙韌韌幾好味！…查看更多