功德林上海素食 (北京道一號)

營業中

休息中

同同事去尖沙咀做完野，未諗到午餐食咩好，見到附近有呢間「功德林上海素食」就上黎試下。雖然午飯時間人流都唔少，不過唔洗等位。入到去我地覺得個位好大風，員工都二話不說幫我地調左去個舒服啲嘅位到坐。因為我地都係第一次食素菜，簡單啲叫左個午市二人套餐。見到前菜可以揀餐牌嘅脆膳同椒鹽鮮魷，好奇問下先知原來係菇🍄‍🟫套餐仲有湯、芋頭魚同埋煲仔飯，職員會係我地面前撈好個飯先，仲好貼心問我地食唔食飯焦。最後仲有個湯圓做甜品☺️對於第一次食素菜嘅我黎講，所有食物都好好味，員工有禮細心，環境亦好清靜。有機會會帶屋企人黎試下。

尖沙咀功德林裝修後環境光猛，地方雅致座位舒服- 功德林五色拼盤，真係盤滿缽滿，特別喜歡食素脆鱔甜蜜又脆口- 豆腐餃子，夠晒特別豆腐皮仲好香滑添- 栗子炆素雞煲，尚算入味- 芋頭魚略嫌乾身

經過這晚光顧才真正明白香港飲食業的退步，港人北上原因。一行6大一少訂了套餐，三絲羮沒甚味道，叫了侍應自行試味看看是否厨師忘記放鹽或是餐廳原本味道。最後衹有叫侍應送上食鹽自行調味。餘下菜色質素也是一般。最感令人憤怒是在未關門時間已經開始感到被趕，侍應特意地把燈光調暗，甜點未上已把賬單遞上。今天這樣的服務態度還能生存多久，值得懷疑。這頓飯平均每人消費400元，物非所值😡功德林是本人第一次光顧，可惜也是最後一次!

希望素食餐廳有誠意D去做好食品，這才能推廣素食，令更多人選擇素食餐廳。當晚點了蜜汁脆鱔，粉厚到吃不到冬菇，應該係翻炸多次。咕嚕肉的𤠣頭菇一陣雪味，完全沒有心機製作.. 還是一個菜式也不記得是什麼😅，只記得味道平平，可以入口。沒脆鱔及咕嚕肉難吃得印象深刻及難忘…除咗環境唔錯之外，食物進步空間十分十分大。（利申：不是第一次幫襯，已比機會自己再次嘗試，但仍然失望，應該再沒下次吧！）當晚星期六由6點幾坐到8點幾，全場不夠三份之一客人。

經過黑暴及疫情肆虐，以為香港人會為復興努力，今晚在北京道一號「功德林」食齋，差到認定「功德林」老闆必定係走咗佬無糧出，我哋一行六人，7:30到，食物一般般，但服務九狗9流，因為食物好多芡汁，一直無人換碗碟，無沖茶沖水，八點零鐘，忽然覺得冷氣大咗好多，原來這是第一步，九點正，伙記突然叫我哋埋單，連最基本last order提示都無，直接叫客埋單，然後暗燈，冷氣開更大，務求你盡快起身，老人家拿拿聲去完洗手間就走，約9:10，「功德林」竟然落咗一半鐵閘，我哋自己講笑，會唔會廁所鎖門困住老人家㗎⋯⋯嘆為觀止，更為香港嘆氣！其實當時仍然有客，大家你眼望我眼頭都擰晒，為香港心痛！

朋友食過介紹去北京道1號功德林，第一次光顧這間功德林, 環境ok, 食物尚算可以, 但齋舖嚟講佢算偏貴， 同朋友慶祝生日食飯， 我哋745pm叫咗個套餐加多幾碟餸，到845m有兩碟餸仲未出溜單，到9pm出埋2碟餸出埋我哋買去嘅蛋糕出嚟，個蛋糕我哋係冇叫拎出嚟的，我個蛋糕 就咁擠咗喺隔離枱自助式去拎蛋糕拎碟拎叉冇人招呼，但係要收你個切餅費$150,功德林收10pm的， 9：20pm催埋單9：30pm 個經理走埋每一枱去講我哋收工喇， 但係佢哋收10pm的 ,我真係未試過一間服務質素差到咁嘅舖頭, 唔怪得知假期前都成晚只係坐得六成位。

一期一合嘅聚會🎈，是日平日來到尖沙咀食素晚餐。地理位置方便的，而且感覺整棟大廈都好grand由地下一直到餐廳，好似甲級寫字樓咁，好新穎。✨擔擔麵🍜擔擔湯底有層次，幾好味。✨黑松露松子蛋白炒飯黑松露味唔算出，鑊氣唔重，味稍稍偏淡。✨猴頭菇津白甘栗🌰煲栗子超有驚喜，又甜又腍，好好食，猴頭菇同菜都入味。✨鮮菇百合炒蘆筍蘆筍有口感，但百合就一般，整碟餸清淡左少少，欠缺鮮明翠綠感。✨水煮魚片失望，仿魚片都一般，水煮嘅湯被豆豉味搶了，好可惜。✨牛肝菌燜豆腐芡汁稠度杰左啲，但味道佳。✨上海粗炒麵一般般。✨紅豆沙鍋餅紅豆唔會太甜，咬落去脆脆地。餐廳地方好大，可惜冷氣太凍了，令上枱嘅餸菜好快凍，無咁好食。

星期六上完堂要臨時搵間餐廳食個快嘅素食午餐，打電話發現功德林好似都唔太爆場，但可能因為當日同時係觀音誕，聽電話嘅同事感覺有點忙到手忙腳亂嘅感覺。上到去，都等左一陣，店員安排左我地係係細房入面嘅某2人枱，但隔離就係一圍擺酒新人嘅親戚，所以有點嘈。食物款式都唔少，但點心款式唔太夠

朋友相約到這素食館，很久也沒試過素食了，來到環境非常清幽，平日晚市不算多人入座，我們一行六人，就坐在窗邊座位，可以看到晚上海景。就叫了一個晚市四人套餐，想不到份量也足夠六位女士享用，咕嚕肉無論賣相質感都好神似，菇粒煲仔飯也很香口。最後來一個木桶豆腐花，填飽我們女士愛甜的心態。

閒日同家人來到功德林（尖沙咀分店）午餐，入座率大約七成。餐廳環境很好，坐得很舒服，侍應及經理服務態度良好。食物有質素。值得推介👍🏻尤其想讚一讚餐廳經理（男士）每一位同事都很好服務態度👏🏻

我哋母親節當晚去咗功德林食晚飯，因為鍾意地方大，可以坐得舒服D。幾年冇去過，食物質素差不多，但感覺食物嘅款式冇以前咁吸引 。頌恩宴 ($2588 /8位用)功德林三小碟雞絲粉皮、四喜烤麩、無錫脆鱔無錫脆鱔即係炸冬菇，同以前一樣咁脆口，好食。烤麩入味，但比較淋同散。香濃羊肚菌魚翅盅蟲草花豆腐餃子原本套餐入面係鮮菇百合炒五仁，我哋要求將佢轉做豆腐餃子。豆腐餃子用豆腐做餃子皮，入面包住菜葉為主嘅餡料。但我覺得依家嘅豆腐冇以前咁滑身，冇咁好食。花菇素雞燜栗子素雞燜到好入味。乾燒蝦扒西蘭花醬汁辣得黎帶有茄汁嘅酸甜味，好惹味。糖醋荔芋茸鰂魚素湯珍菌有機菜蕃薯葉好嫩，表面鋪有冬菇片同靈芝菇。牛肝菌雜錦炒飯炒飯好巨型，飯粒粒分明，口感煙韌。但配料切得太細，唔覺食到牛肝菌。野菌金菇燜伊麵蓮子冰花桃膠團圓

打開餐牌，已經見到佢話冇油冇鹽冇味精...覺得有幾健康喎。擔擔麵: 一嚟到已經見到有好多花生醬同埋素火腿，其實個湯好濃郁，但係偏鹹，又話冇味精嘅？🤣糯米燒賣: 燒賣嘅糯米好林，冇乜香味上湯鮮竹卷: 呢個係咁多樣入邊味道比較平均，腐皮好多層好有咬口 餐廳環境係幾好，不過食物質素就唔係話好卓越🙃未必會再嚟

食物出品保持一貫嘅水準，仲有落地玻璃望住尖沙咀夜景加8:00幻彩詠香江。近期仲有折扣優惠，星期一二三/八折；四至日/九折，雖然封咗半個廳面，但係見到佢哋都坐爆曬重要開房，服務質素好好呀，傳菜姨姨都好有禮貌。叫咗個四人set, 加個擔擔麵。我最鍾意就係前菜拼盤同埋咕嚕肉。原筒豆腐花好滑，加埋桂花糖水正😋😋😋

又到開心聚餐時間⏰由於銅鑼灣 ‘’功德林‘’ 巳結業，今次去尖沙咀北京道1號7/F 店試試🥢😋地方寬敞舒適、光線充足☀️我們還按排至窗口位🥰首先來碟自選小食拼盤：選了馬蘭頭、滷水烤夫、脆鱔三款 (脆鱔一流)👍👍👍紅棗雙蓮陳皮湯 ～ 潤喉消濟👍👍👍蘿蔔絲酥卷 ～ 外脆內軟👍👍👍蒸糯米燒賣 ~ 以糯米餡好特別👍👍素鍋貼 ~ 清淡可口👍👍上海粗麵 ~ 濃郁湯底好入味👍👍三絲炒冷麵 ~ 配上醬料好惹味👍👍👍桶豆花 ～ 配上桂花糖水、黃糖 ～香滑甘甜👍👍👍👍

朋友是素食者，在尖沙咀區找到這間環境與食材都不錯的素食館吃頓素餐。聖誕節的中午來到這店，店鋪位於七樓，打開電梯門已見到開揚的景緻。想坐靠窗的位置，但由於窗旁的檯都是六人座，我們三人只好坐內圍。幸好依然看到美景。店內有一幅梅花牆畫很吸晴，與素菜館的氣紛相配。點心有16款，我們點了兩款，之後選了三個小菜。素菜湯餛飩，一碗四隻，餡料是一般的蔬菜，湯的味道偏淡。素湯鮮竹卷，一份三條，面層鋪上小量蟲草花，腐皮吸滿了湯液，入口濕潤，餡料有香菇蔬菜，整條腐皮卷包得扎實，湯又熱，好吃。黑松露雜菌炒伊麵，伊麵有韌度，本菇，冬菇，毛豆混和在麵內，麵上有大量黑松露的碎碎，滲出香味，炒伊麵的汁醬也恰到好處，不會變成糊漿，吃起來順滑。羊肚菌扒鱈魚，鱈魚是用豆腐包裹粉漿炸出來，外脆內滑，豆腐不用醮醬汁也好吃。羊肚菌放在另上的醬汁內，羊肚菌的份量十分少而且細，五條小露筍伴碟，露筍清甜幼嫩。猴頭菇津白甘栗煲，這個煲的食材豐富，猴頭菇已切片，栗子容易咬，一梳一梳的津白滿佈鍋內，又有筍片，木耳，薯粉，醬汁味道濃厚，鍋內保溫度足夠，熱騰騰又暖胃。總的來說，素菜味道可以，環境也不錯，只是小菜價格稍高，所以偶爾來吃就好。