Still

營業中

休息中

啟岸有好多好嘢食，今日就嚟呢間餐廳打卡！餐廳裝修好靚好別字，裏面有好多植物，喺呢個環境裏邊食嘢覺得好chill除咗靚嘅裝修之外，呢間餐廳嘅出品都好有水準！我哋叫咗個set lunch，有前菜飲品同甜品！前菜我叫咗南瓜湯，喺裏面仲有絲絲蟹肉！朋友就見咗水牛芝士沙律，沙律菜新鮮，水牛芝士又好creamy！花甲王雞肉西斑牙飯通常出去食西班牙炒飯都好容易中伏，但係依家唔出奇嘅有水準！每一粒都好飽滿，咬落軟糯煙韌！醬汁亦都好多，每一粒飯都覆蓋到！不錯！辣肉腸雞肉墨西哥餡餅配沙律呢個好驚喜，餅裏面有辣肉腸芝士雞肉等等食材，咬落去好豐富！墨西哥餅亦都有微微烤過，所以好香！喺呢間餐廳嘅醬汁都做得好好，呢個將有少少辣辣地鹹鹹地，好惹味沙律菜就好新鮮，個人好鍾意火箭菜味道！甘甘地！啲餐廳亦都好用心咁喺上面加咗少少蜜糖去中和佢嘅苦味！總括嚟講個人覺得呢間餐廳嘅裝修同食物都好有水準，而且地理位置都好方便！大家都可以不妨一試！