Still

營業中

休息中

今日嚟到土瓜灣啟岸小巷子打卡影完相，之後當然要醫肚。假日想靜靜地休閒地食個午餐，揀咗呢一間小店。小店有午市套餐，包是日餐湯或沙律及飲品。我哋揀咗兩個午餐。是日係南瓜粟米忌廉湯，粟米味突出，湯夠Creamy。沙律係水牛芝士哈密瓜沙律，幾fresh! ▶️沙嗲忌廉雞肉扁意粉🍝$128呢個沙嗲味幾香，辣辣地幾惹味。扁意粉軟硬度適中，雞肉都幾腍。▶️白鯷魚香草蕃茄多士$88呢個多士較為輕食。多士薄薄香脆，面上有白鯷魚同蕃茄，鹹鹹地。有時唔想食太多揀呢個就唔錯。飲品揀咗一杯，pink lady及朱古力咖啡。Pink lady夠酸夠開胃，朱古力咖啡味道唔會太甜不錯。