匠山

營業中

休息中

位置係內街，睇門面就知係日式餐廳🇯🇵店員講起先知呢度唔收加一，仲唔收切餅費👍🏻呢度啲食物、飲品種類好多一定有岩心水😆難得呢度仲有生啤供應，但聽日仲要返工就冇飲啦～🔸蟹籽沙律唔吝嗇嘅蟹籽舖係青瓜絲蟹柳絲上面，食落好清爽🥗🔸汁煮凍鮑魚鮑魚好彈牙，食落有微微酒味，推介👍🏻🔸唐揚魷魚鬚外脆內彈牙，會忍唔住食多兩舊🤣🔸匠山特上刺身飯好豐富嘅魚生飯😍 三文魚、油甘魚、吞拿魚、吞拿魚蓉、三文魚子、玉子、帆立貝、蝦，用料都好新鮮！朋友平時唔食油甘魚，但都覺得好味易入口🤭同埋原來逢星期五有日本直送嘅刺身魚！下次再試先～ 🔸左口魚群邊火炙壽司有火炙嘅香氣，油份充足，味道甘香😋🔸軟殼蟹米紙卷好特別嘅配搭👍🏻煙韌嘅米紙包住軟殼蟹青瓜 絲，口感豐富😆 店員話青瓜係每日新鮮刨，食落又真係好爽甜🥒🔸軟骨雞肉棒軟骨同雞肉配搭得宜，點上蛋黃同醬汁，味道更濃郁🤤