影片
更多
2023-07-17
38 瀏覽
琴晚出左去旺角同朋友撐枱腳食晚飯，估唔到俾佢揀左間好餐廳，真心好食！所以忍唔住要出埋post讚下朋友喺加拿大返黎，好掛住日本料理，所以揀左呢間，話想多啲菜式揀。睇餐牌唔單止有刺身、壽司，仲有串燒、和牛炒飯、特式刺身組合等，估唔到仲有即開生蠔配各款酒類，仲有自釀梅酒，真係一坐低就已經知道揀左間好餐廳既feel有二人前menu，適合有選擇困難症既朋友。估唔到有即開生蠔🦪，睇住隔離位叫左，有專屬師父即場開蠔，啲蠔超大隻！！！仲有好靚既超大貝殼盤載住，差啲忍唔住想叫盤落完單野食好快就到，師傅似係會睇你叫既係頭盤定主菜會一碟碟上，第一款係沖繩海葡萄蕃茄沙律，海葡萄有海水既天然咸味，同薄切蕃茄既清甜非常匹配，加埋一齊食岩岩好，爽口開胃。仲砌到好似朵花咁，靚到唔捨得食第二款係火炙刺身三品，如果冇記錯應該係帶子、左口魚裙邊同拖羅。帶子一如預期咁鮮甜，拖羅經火槍燒後比之前更肥美，左口魚裙邊爽口得黎有刺身既鮮嫩肥美，仲係意外驚喜！火炙帶子食得多，但配埋魚子同海帶一齊食係第一次，口感同味道都超豐富，大推！第三款我地叫既係網上都好多人推介既雲丹拖羅蓉山盛！一黎到已經知點解會咁多推介，因為真係好震撼！拖羅蓉爆多
朋友喺加拿大返黎，好掛住日本料理，所以揀左呢間，話想多啲菜式揀。睇餐牌唔單止有刺身、壽司，仲有串燒、和牛炒飯、特式刺身組合等，估唔到仲有即開生蠔配各款酒類，仲有自釀梅酒，真係一坐低就已經知道揀左間好餐廳既feel
有二人前menu，適合有選擇困難症既朋友。
估唔到有即開生蠔🦪，睇住隔離位叫左，有專屬師父即場開蠔，啲蠔超大隻！！！仲有好靚既超大貝殼盤載住，差啲忍唔住想叫盤
落完單野食好快就到，師傅似係會睇你叫既係頭盤定主菜會一碟碟上，第一款係沖繩海葡萄蕃茄沙律，海葡萄有海水既天然咸味，同薄切蕃茄既清甜非常匹配，加埋一齊食岩岩好，爽口開胃。仲砌到好似朵花咁，靚到唔捨得食
第二款係火炙刺身三品，如果冇記錯應該係帶子、左口魚裙邊同拖羅。帶子一如預期咁鮮甜，拖羅經火槍燒後比之前更肥美，左口魚裙邊爽口得黎有刺身既鮮嫩肥美，仲係意外驚喜！
火炙帶子食得多，但配埋魚子同海帶一齊食係第一次，口感同味道都超豐富，大推！
第三款我地叫既係網上都好多人推介既雲丹拖羅蓉山盛！一黎到已經知點解會咁多推介，因為真係好震撼！拖羅蓉爆多，魚子好大粒，海膽只係睇顏色已經知道好新鮮，食落口真係味蕾大爆炸，魚蓉魚子鮮甜十足，加埋香滑海膽，真係只能講美食讓人感到幸福
啲拖羅蓉同海多到瀉哂出黎
最後叫左啲串燒當主菜暖返個胃，雞骨豬肉腸同雞肉大蔥串都好唔錯，真係整得好食過好多日本餐廳，海鰻都好推介試，因為食得到魚味之餘又冇腥味同唔會過咸，食得出好新鮮。一定要試既係「提燈」，呢個係店員見我地揀緊串燒果陣推介既，食完真係覺得冇介紹錯，不過唔講係乜嘢喇，等大家自己去發掘下
提燈燒得岩岩好，咸香得黎口感好正，兩粒圓形仲好似濃縮嘅溫泉蛋蛋黃，想試下特別野既人可以叫黎試下！包保會覺得正！
張貼
