田記魚蛋牛腩專門店 (塘尾道) (裝修中)

呢度係街坊小店，但環境光猛闊落，坐得舒服。今日自己一個人食，想食得簡單d,於是就叫了一個牛三寶(牛腩，牛筋和牛肚)，每樣都厚切，份量比坊間其他鋪頭多，炆到軟腍，又夠入味。牛腩肥瘦適中，肉質鬆軟。而河粉就煮得剛剛好，保持原條，不會一夾就散。最後湯底夠真材實料，飲完都不口渴。另外額外叫了蘿蔔，份量超多，食落夠甜，配埋腩湯底，好味道。凍檸茶正常發揮，茶底清新。餐廳野食達標，服務ok,加上價格親民，值得幫襯。