棠棠居海鮮菜館

營業中

休息中

行過深水埗見到新開左間中菜館，就入去試下啦，未坐低已經聞到陣香味，阿姐好殷勤咁招呼我地坐低，枱與枱之間隔得比一般遠，坐得好舒服。一間餐廳廚師有無水準，最重要係要試下小菜，因為魚呀龍蝦呀只要新鮮的都好味。菠蘿咕嚕肉，居然唔係用罐頭菠蘿，咕嚕肉有大排檔的火喉，夠脆。上湯浸菜苗個湯底好鮮味，忍唔住要拿匙羹飲埋佢。薑蔥蠔個味同平時酒樓陣味唔同，食落有少少辣辣地好過癮。仲有其他食物都高於一般水準。食完中菜梗係食甜品，個楊枝金露一黎到就已經知佢掂，個色水賣相好靚，我朋友話好食到要叫多左碗黎試。價錢都算合理，返到去食完都無口渴的感覺,應該無落未精，呢間野咁正，下次再來試下其他菜。