棠棠居海鮮菜館

營業中

休息中

老友呀肥相約食飯，他住深水埗，索性問，你住那裏附近有乜好介紹，肥二話不說就推此店，他說很多優惠特價小菜都幾抵說，於是立即在OpenRice 訂坐。涼拌花甲$48~人未到齊，點這個最好，和啤酒很夾檔，可惜當晚朋友們不好酒，另外的要揸車，下次吧！黑白胡椒蝦~此乃是優惠孖寶$368,還有另一條藍瓜子魚，店員還會用網在現場比條海鮮給你過目，感覺雖然優惠價也做足功夫咁囉⋯⋯但可惜忘了拍照。魚當晚蒸得有少少過火，可能繁忙時段吧！但胡椒蝦很惹味吸引，一讚！黑椒薯角牛仔粒$93~優惠折實價為$93,合理水準收貨。金沙鮮魷$93~粉槳略嫌厚。豉油皇炒麵$108~每次吃中菜，大家都好似是例牌菜式必點項目。薯片雞$168~原本冇點這隻雞的，因為餐牌必須預訂，但後來見每枱的指定動作，又見隔離枱端上枱時又幾吸引，於是一問店員，大家決定一試，雞很入味喎，但又唔明點解叫做薯片雞呢! 下次真要問問食店⋯⋯柚子蝦球$100~還有一碟柚子蝦球，又是做$100的優惠價，酸酸甜甜，粉漿夠薄，蝦夠爽彈，夏天很啱胃口，清新可人，所以大家很快KO了，快到沒有拍照。最後食店送上的綠豆沙，甜度適中，作為免費的，質素相當不錯。平均每人$

今日去咗深水埗朋友推介嘅餐廳，環境超舒服，啲座位好闊落！😌 訂咗晚市優惠孖寶$438，有黑白胡椒膏蟹同豉油皇炒麵，真係抵食！😍 店員仲會現場用網俾條海鮮過目，感覺雖然優惠價但都做足功夫，勁有誠意！🦀 黑白胡椒膏蟹夠大隻又多膏，肉質鮮甜，黑白胡椒香口惹味，真係一流！🤤 豉油皇炒麵都炒得乾身帶焦香味，例牌菜式一定要點！🍜 仲叫咗金兜小炒海鮮匯，一上枱即刻吸引其他食客目光，打卡一流！📸 打開真係嘩咗一聲，份量超足，有6隻大鮑魚、海蝦、鮮魷、花甲，配料仲有玉米、蕃薯、紅腸、腰果、魚仔乾，夠4-6個人食！性價比超高，呢個$268絕對滿意！👌 最後仲有部長送嘅綠豆海帶糖水，好足料又唔甜，巨滿足！😊💕 #深水埗美食 #必食推介 #值回票價 #美食日記

一直都想試下深水埗棠棠居，今日有時間過嚟試下先。 即烤三黃薯片雞：上網睇人人都叫呢個薯片雞，我哋當然都唔執輸。不過記得要預早一日打去book，咁先可以用優惠價$168享用，如果唔係即場叫要$238㗎。一入座，職員就問我哋係咪訂咗隻雞，因為要即場燒30分鐘。雞皮燒到金黃，食落好似薯片咁脆卜卜，果然叫薯片雞當之無愧，雞肉亦十分嫩滑🐔，食落有鹹香味，非常juicy。 鎮江水晶餚肉：肉紅皮白，光滑晶莹， 鹵凍透明，猶如水晶，香味濃郁。 金沙新鮮魷：魷炸皮薄且金黃酥脆，魷魚爽彈，雙重口感，搭配炒香咗嘅鹹蛋黃非常香口，非常邪惡，送酒一流。🤤 海鮮翠塘豆腐：一味古舊香港菜式，估唔到呢度有得食。蛋白口感幼滑，完全媲美真豆腐。配以帶子、蝦，味道清淡得嚟又鮮甜，再加上少許芥蘭頭，顏色更豐富。 椒絲腐乳炒通菜：通菜爽甜翠綠，非常惹味。 黑松露醬牛崧炒飯：炒飯粒粒分明，黑松露味道非常濃郁，成個飯都炒得好香。 鴨屎香手打檸檬茶：大大杯，充滿濃郁果香味，味道清新。食完晚飯仲有糖水送添。

前幾日去長沙灣搵屋企人食飯，由於佢哋成日都想試一啲新嘅中菜廳，之前上網又見到呢邊有間海鮮菜館，一於就帶佢哋試吓先🫣呢兩日我已經打電話預訂咗佢哋嘅招牌菜「三黃烤薯片雞」，因為可以平啲🤭見佢講到咁巴閉，我哋即刻訂咗隻試下。 果然冇介紹錯！隻雞一上枱就聞到陣陣雞油香，金黃色嘅雞皮薄脆得嚟帶住微微焦香，真係好似薯片咁「咔嚓」脆。咬落去，皮下嘅油脂恰到好處，肉質嫩滑多汁，連最怕嘅雞胸位都出奇地鮮嫩入味，蘸少許淮鹽加醋更加帶出雞肉鮮甜。 然後叫咗個晚市三重奏套餐，個碧翠炒南非鮮鮑魚鑊氣十足，鮑魚片厚薄均勻，外層微焦裡面依然爽彈，配埋翠綠嘅西芹同爆香蒜粒，簡單又鮮味。花菇扣大鵝掌煲就真係送飯神器，大大隻嘅花菇吸飽蠔油香，咬落軟滑多汁；鵝掌炆到膠質盡出，入口即化，個汁濃郁得嚟唔會過鹹，撈飯真係可以連食兩碗。 最意外係個金銀菜燉白肺湯，湯色清澈見底，飲落鮮甜回甘，完全冇油膩感，熱辣辣咁飲完成個胃都暖笠笠，最重要係睇到佢啲當湯渣真係好真材實料！！最後送嘅紅豆沙煮得綿密起沙，陳皮香若隱若現，甜度剛好，為呢餐畫上完美句號。 呢種仲堅持用真材實料、用心製作嘅街坊小店，而家真係買少見少。價錢公道，食物有誠意，下次

即烤三黃薯片雞 $168招牌薯片雞真係名不虛傳，外皮烤得香脆金黃，雞皮脆到薯片一樣！雞肉嫩滑多汁，肉質鮮甜，連雞胸都爽滑，好正！記得一定要預訂，因為真係好多人食，好快就賣晒黑松露蝦多士 @$28黑松露蝦多士煎得酥脆，面頭蝦糊彈牙，黑松露醬香氣濃郁，入口有層次感，食落唔油膩，做小食一流豉蒜蒸爽肉白鱔 $168白鱔鮮嫩彈牙，蒸得入味，豉蒜香味濃郁，無腥味，食落滿足咸魚雞粒炒飯 $108炒飯飯粒分明炒得乾身，咸魚咸香，雞粒嫩滑，份量都幾多雞頭米高山木耳浸白菜仔 $108雞頭米係新鮮茨實，味道清甜，木耳滑嫩彈牙，白菜仔清新吸滿湯汁，解膩一流Asahi 330ml（買2送1） (@$24)📌棠棠居海鮮菜館 (長沙灣)地址：長沙灣元州街231-247號潤發大廈地下A號舖

話說早上要同朋友過去寶血醫院做物理治療，吹水的時候就問吓人哋深水埗有咩好介紹，姑娘就話行大概5分鐘左右一間叫做棠棠居嘅飲茶食點心，炒小菜等等都非常唔錯。沿着寶血醫院對面馬路行5分鐘就到啦，入座係12:30，要等齊一半人數以上先可以入座，要注意 。座位都非常闊落，輪椅可以出入 ，冷氣亦都好夠。叫咗幾樣小菜同埋點心，水晶肴肉同埋糖心皮蛋都非常好味，豬大腸有豬臊味，但係非常脆，本人唔鍾意食豬太腸所以唔評論，冇食到乾燒伊麵但係身邊個朋友話非常唔錯，炒龍躉都非常好味😋 意外嘅係肉餅玉子豆腐臭咗，要取消換過第二啲，變咗小籠包，都幾好，最後叫多樣點心就滷水烤麩，佢呢個係熱嘅，我第一次食熱嘅烤麩，都算幾入味。

琴日一家人去咗深水埗飲茶，深水埗街坊最鍾意喺棠棠居海鮮館飲茶！下午茶時間最抵飲😋每碟點心由師傅親手製作！每一碟上枱都新鮮滾熱辣👍環境闊落舒適～茶樓有提供BB凳！好啱一家大細飲茶😍喺深水埗飲茶我一定會嚟棠棠居海鮮館～大大力推😋💕美食⭐️⭐️⭐️⭐️⭐️🩵水晶蝦餃皇🩵特蟹籽鮮肉燒賣🩵陳皮鲜牛肉球🩵大薑蔥牛柏葉👍👍🩵鳳爪排骨蒸飯🩵素魚翅海皇灌湯餃🩵香茜叉燒腸粉👍🩵椒鹽魷魚鬚👍👍🩵鮮蝦炸雲吞👍👍📍 棠棠居海鮮館深水埗元州街231號潤發大廈

為食花太郎 Fafafoodblog 棠棠居海鮮菜館 🍴晚市三重奏 a餐 598蚊🍴金蒜銀絲7 寸聖子皇4 隻大大隻蟶子 好彈牙新鮮 粉絲好爽口 蒜粒入味 正🍴酥炸台山蠔🔥 蠔肉大隻彈牙 剛好熟 出面炸既茨粉好香脆 點d甜辣醬就正🍴鮮菠蘿咕嚕上肉 🐖咕嚕肉好軟林 出面好香脆 肉質好彈牙 甜酸醬入味🍴豉油皇炒麵 108 蚊🍜炒得好乾身 帶d焦香味 點辣醬或豆板醬都ok 🍴黑松露蝦多士 28 蚊件🦐多士香脆 上面蝦肉焗得好香口 同黑松露好match#黑松露 #蝦多士 #咕嚕肉 #炒麵 #中菜 Score 平均分< 7.9/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#棠棠居海鮮菜館深水埗元州街231號潤發大廈~~~~~~~~~

難得約左2個fd出黎食野 一定要預先做下功課📖搵下邊度有好嘢食啦見到一個幾特別叫薯片雞 名字就被吸引下去，唔知係唔係真係咁脆😆一於去試下（‼️溫馨提示，要預先預訂，仲會平d）睇個餐牌有多款前菜小食❤️黑松露蝦多士：表皮炸得又香又脆 黑松露份量夠多，食落好香黑松露味❤️鎮江水晶餚肉：望落層次分明，晶瑩剔透，食落瘦肉香酥，肥肉不膩，再配上鎮江香醋，入口層次更加豐富❤️仲有個椒鹽多春魚🐟：外皮酥脆，內裡魚肉鮮嫩，食落魚卵爆開非常香口，口感飽滿❤️（68折）五柳酸甜脆蝦球🦐：酸甜適中的醬汁包裹著Q彈大粒蝦仁，食落非常開胃❤️即烤三黃薯片雞🐔（預訂價）$168 ，皮薄香脆，肉質鮮嫩，食落有油脂香同雞味，皮片油真係做到咁薄咁脆口，食落0負擔❤️ 碧翠炒新鮮魷（西蘭花）炒新鮮魷非常爽口，不會炒得過火，配上蝦醬更加惹味❤️黑松露醬牛崧炒飯：炒得粒粒分明，色澤金黃，黑松露味道濃郁，牛肉粒鬆香額外有紅豆沙糖水送，唔會太甜，有陳皮香，非常好食

今日就同朋友去棠棠居海鮮菜館食飯餐廳環境舒適，好岩一班人聚餐，仲有唔少生猛海鮮選擇蒜蓉銀絲蒸七吋蟶子王面頭怖滿蒜蓉，蟶子肉質飽滿，肥美鮮甜，粉絲索滿精華，香口惹味黑白胡椒焗大海蝦蝦外層焗到微脆，胡椒既香氣同辣味滲入蝦肉中，好夠穫氣，咬落彈牙多汁蜜味欖角三度排鹹香欖角同微甜蜜汁裹滿排骨外層，酥爛入味，咸香開胃酥炸台山蠔外皮炸到金黃酥脆，咬開蠔肉鮮嫩多汁涼瓜黃豆排骨煲涼瓜甘甜，同黃豆完美融合，湯頭清甜，排骨軟糯

陪個friend 去長沙灣政府合署交文件，佢話要多謝我幫手請我食龍蝦，帶左我黎附近食中菜嘅棠棠居海鮮菜館，環境好舒服，座位好闊落，由佢發板啦！ 🥰餐廳有好多優惠套餐，佢揀左晚市組合B，有龍蝦伊面，加個小菜，先700幾，都幾抵食！店員上菜時，陣陣芝士香味飄過嚟，我已經知道今晚有好野食。呢碟「西澳洲龍蝦配芝士咸牛油焗伊麵底」，一上枱就好有氣勢，成隻龍蝦剖開鋪晒芝士，真係未食已經加分。龍蝦係用西澳洲嘅，肉質好實淨，唔會一夾就散晒嗰種。咬落去彈牙又鮮甜，完全唔腥。芝士焗到微焦，咸牛油滲晒入去，香到不得了。最驚喜係下面嗰層伊麵，吸晒啲醬汁，唔會淋晒，仲有啲焦香，好有層次。成碟嘢食落去，係芝士嘅濃、牛油嘅香、龍蝦嘅鮮，再加埋伊麵嘅滑，幾種味道夾得好好，唔會搶戲，反而互相襯托。正👍🏻小菜我哋揀左「雙菇燒汁牛柳粒」， 啲牛柳粒好嫩滑，咬落去啖啖肉汁，炒得好有鑊氣。燒汁帶少少甜味，又有啲鹹香，配埋啲菇，芹菜，甜椒一齊食，每一口都好惹味。另外再加左碟「椒鹽多春魚」，啱啱炸起上枱，外皮金黃香脆，條條飽滿，有好多爽脆魚籽，鹹香濃郁，帶少少海水味又唔腥，連骨都炸得酥脆，可以成條食晒，唔使挑骨，好爽。部長仲送咗綠

棠棠居是長沙灣有名的中菜館，今晚同屋企人出街食飯，叫左幾道小菜，都真的好味道和值得推薦！首推 「黑松露蝦多士」，絕對是誠意之作！多士炸得金黃鬆脆，毫不油膩。蝦膠彈牙，加上大量的黑松露！香氣已先聲奪人，入口的層次感十足，好滿足，非一般的蝦多士。「鎮江水晶餚肉」，肉凍晶瑩剔透，瘦肉與啫喱比例剛好。入口爽滑又冰涼，鎮江醋甜醇香，加上鹹香得宜，是一道經典的冷盤。「即烤三黃薯片雞」，堂食價要$238，預訂只需要$168，抵食！即叫即烤，雞皮脆到好似薯片咁，雞肉又保持到好嫰滑多汁，絕對係招牌菜式！「鮮菠蘿咕嚕上肉」， 選用上肉（應是梅頭或肉眼部位），非普通腩肉，外層炸漿腕薄，肉質鬆化軟嫩。新鮮菠蘿，清甜多汁，非罐頭貨可以相比。酸甜汁調校得好夠平衡，醒神開胃！「棠棠居小炒皇」，夠鑊氣、配料足，誠意滿分！韭菜花翠綠爽嫩，加入鮮魷、蝦乾、腰果、銀魚仔等食材，爆炒得乾身又香口。「海味什菜煲」，湯底鮮甜暖胃，有蝦乾、大地魚等海味的精華，各種時蔬吸收了高湯的精華，夏日開胃，健康又美味。特別一提，棠棠居的白飯會配上自家制的醬油和豬油，別有一番風味！飯後、仲有是日糖水送！

跟住Foodie去食三黃薯片雞冇留意到要前一日預訂😮‍💨當日去到現場乜雞都冇咁滯食唔到招牌 就焗住食其他呢個小炒王真係嘆為觀止真係好好好好難食！🤮以為小炒王實冇死一上到嚟 好似尋日食剩嘅廚餘咁又有啲似阿媽尋日煮一堆餸 但食淨咗今日諗住清埋佢 所以亂咁煮埋一兜嘅餸咁冇賣相 冇質素 重油重鹽蜜椒薯仔牛柳 喺一堆洋蔥入邊搵牛柳質素差過$35三餸飯三餸飯平 中伏完 都因為價錢而屈服但呢碟嘢我哋真係屈服唔到🫠呢個金沙魷魚就正正常常份量就少咗啲 不過都接受到整體而言 又是中伏的一天😵😵

今早8点半左右排隊攞籌同老人家飲早茶，到8点55分左右派枱，我大概排第八/九位，我同派枱姐姐講有老人家行動不便，希望要近門口D位，旦他說沒有，旦排在我後面D熟客就有，我問可解佢地有，佢話熟客坐開，D熟客可以一個人排隊，到差不多派枱時五個人可以掐隊攞枱，我不是第一次見到，我同派才枱姐姐講，佢話見唔到，咁D新客排隊來為什麼，重要好冇禮貌，對D熟客就好好。新客想試，請小心有不公平對代

食物方面：四個人叫左6樣點心，味道都係中上水平😋假日黎講每人唔洗$100，價錢合理👍🏻煎釀虎皮尖椒⭐️⭐️⭐️⭐️⭐️推介! 上菜時熱辣辣🤩 炸粉薄魚肉厚，青椒唔會太大舊影響口感同味道😍 三樣嘢夾埋好balance👍🏻黑金流沙包⭐️⭐️⭐️⭐️⭐️推介！ 佢既流沙係一粒粒脆脆既口感，並唔係平時出去食入面液態嗰種，非常驚喜🤩 鹹鹹甜甜，真係有種鹹蛋黃起沙既feel😍 食完真係胃口大開🤣叉燒蒸腸粉 ⭐️⭐️⭐️⭐️皮薄餡靚👍🏻 叉燒有少少韌同甜，不過都十分推介🤩水晶蝦餃王 豉汁蒸鳳爪 鳳爪排骨蒸飯 ⭐️⭐️⭐️合格水準👍🏻蝦餃皮非常薄，每隻蝦餃入面都有三隻蝦，味道就無其他咁驚艷，不過都唔錯👍🏻環境方面：冷氣略嫌不足，比較焗。比出面茶樓乾淨少少，坐得舒服d。