麵屋黑岩

營業中

休息中

今日專誠嚟到深水埗，係因為要同朋友去嘉頓山睇夜景(因小山丘靠近嘉頓麵包廠房，因而俗稱嘉頓山)。上山前當然要醫醫肚先啦，但亦都唔想食得太heavy，所以就揀咗嚟食拉麵。見到師父好用心咁燒緊啲叉燒，我就點咗個黑蒜拉麵配火炙叉燒，個湯底係幾濃味嘅，有油香得嚟唔會太肥膩。我將入面大大嚿黑蒜撈勻咗喺啲拉麵度，食落蒜嘅味道幾突出，啲叉燒都算係肥瘦均勻。另外我哋都點咗薯片雞翼，不過唔記得影相，我覺得食落都幾得意，不過我個friend就唔多鍾意。整體而言，呢間喺深水埗嘅拉麵店食物味道唔錯，值得一試。