影片
更多
2023-03-03
365 瀏覽
唔明呢間餐廳點解咁多好評，真係俾佢呃咗，所以我決定一定要話返真實情況比大家知。一早訂左位，星期五晚七點齊人準時去到，首先坐低咗成十分鐘都冇人比Menu我哋睇，主動問佢拎menu，佢先拎過嚟同我哋講：「main course今晚冇雞冇魚冇鴨。」即係七款當中有三款都冇⋯（p.s.佢當日下午打俾我confirm booking時冇講今晚咁多嘢冇提供）我哋成檯幾個人都呆左，當刻真係想走，但諗起星期五晚尖沙咀度度都多人，想轉場都好難，唯有將就下。於是我哋有乜叫乜，都唔使點揀，因為main course得四款有，我哋都叫哂，分別係蜆、牛面頰、羊西冷、黑豚肉，另外仲叫左前菜蟹餅、煎帶子，同埋芝士長通粉、海鮮燴飯。我哋總共落左三輪order，但去到第三輪order嘅食物都到哂，第一輪叫嘅羊西冷都未到。期間我哋分別向三位不同嘅侍應催左四次，每次侍應都話幫我哋跟。去到第四次，一位戴眼鏡男侍應入完廚房之後出嚟同我哋講：「頭先應該係漏咗單，我幫你哋取消個羊。」跟住就行開左，我真係從來未見過咁嘅操作，其實如果我哋唔想食份羊嘅話，點解會追四次？同埋漏咗單，正常都會問個客仲想唔想要，佢問都唔問直接幫我哋取消，其實係
一早訂左位，星期五晚七點齊人準時去到，首先坐低咗成十分鐘都冇人比Menu我哋睇，主動問佢拎menu，佢先拎過嚟同我哋講：「main course今晚冇雞冇魚冇鴨。」即係七款當中有三款都冇⋯（p.s.佢當日下午打俾我confirm booking時冇講今晚咁多嘢冇提供）我哋成檯幾個人都呆左，當刻真係想走，但諗起星期五晚尖沙咀度度都多人，想轉場都好難，唯有將就下。
於是我哋有乜叫乜，都唔使點揀，因為main course得四款有，我哋都叫哂，分別係蜆、牛面頰、羊西冷、黑豚肉，另外仲叫左前菜蟹餅、煎帶子，同埋芝士長通粉、海鮮燴飯。我哋總共落左三輪order，但去到第三輪order嘅食物都到哂，第一輪叫嘅羊西冷都未到。期間我哋分別向三位不同嘅侍應催左四次，每次侍應都話幫我哋跟。去到第四次，一位戴眼鏡男侍應入完廚房之後出嚟同我哋講：「頭先應該係漏咗單，我幫你哋取消個羊。」跟住就行開左，我真係從來未見過咁嘅操作，其實如果我哋唔想食份羊嘅話，點解會追四次？同埋漏咗單，正常都會問個客仲想唔想要，佢問都唔問直接幫我哋取消，其實係唔係根本當時就冇羊呢？
結論係，七款main course當中只供應三款，仲要係星期五晚尖沙咀旺區嘅餐廳，真係難以置信。
最接受唔到係戴眼鏡男侍應嘅處理手法，問都唔問就直接取消order，係冇禮貌定係根本當時冇晒羊又唔敢同客人講？
最後都要講下食物質素：
蟹餅、煎帶子：好味嘅，尤其係蟹餅。👍🏽
芝士長通粉：份量少，味道淡。👎🏽
白汁牛油汁煮蜆：有驚喜，我哋叫左兩次，第一次係份量多，肥美厚肉。第二次唔知點解同一價錢但明顯份量係少咗，連器皿都細咗，蜆仲要有沙。
燴澳洲牛面頰：正常。
慢煮伊比利亞黑豚肉：係全餐飯最好食的一道菜，豚肉嫩滑，軟硬適中，有豬味。👍🏽👍🏽👍🏽
海鮮燴飯：伏中之伏，份量已經唔多，仲要八成係飯焦，飯上面嘅海鮮全部煮到好似肉乾咁。👎🏽👎🏽👎🏽
最後的最後，其實裝修冇照騙影得咁靚，完全稱不上是藝術主題餐廳，裝修、枱凳、餐具等等算係高級茶餐廳嘅感覺，只係燈光昏暗懶有情調咁。
北海道煎帶子
25 瀏覽
0 讚好
0 留言
海鮮燴飯
14 瀏覽
0 讚好
0 留言
白酒牛油汁煮蜆
14 瀏覽
0 讚好
0 留言
慢煮伊比利亞黑豚肉
11 瀏覽
0 讚好
0 留言
牛面頰
10 瀏覽
0 讚好
0 留言
張貼
