銘興山西刀削麵 (和豐行)

營業中

休息中

呢間嘢終於開到去旺角喇！以前係紅磡經常食，佢哋個刀削麵真係世一！紅磡嗰間好細間，以次次都要排隊。剛剛係旺角開咗分店，店舖勁大，坐得好舒適。都係以刀削麵為主，另外仲有小食、飯同飲品等等。花雕醉雞刀削麵（$60）- 每次必嗌！刀削麵無得頂，份量夠晒多，條條都粗身煙韌。而個醉雞好似例牌咁多，酒味好香好入味，雞肉啖啖肉又嫩滑，仲有一隻蛋，真係要試！嗌麵加8蚊仲有成枝凍豆漿香茅炸雞翼（$42）- 估唔到有5隻咁多，個雞翼炸到好穌脆，但一啲都唔覺得好油，而雞肉仲保持到juicy鮮嫩。涼拌黑木耳（$30）- 今日唔想嗌菜所以嗌咗黑本耳，口感爽脆，味道酸酸辣辣咁好惹味，底下仲有青瓜絲。