麻辣香鍋

營業中

休息中

喺朗豪坊行完街，唔一定要喺朗豪坊入面搵食嘅，其實走出小小都有好多好正嘅餐廳，今日我哋就揀咗由朗豪坊步行2分鐘就到嘅呢間麻辣香鍋。呢度嘅雞煲都幾抵食，香鍋雞煲半份只係百零蚊，最啱我哋人少少又想食雞煲。呢個雞煲帶少少辣，屬於BB辣嘅級別，大人細路都食到，而且更能令雞汁提鮮。入面仲有蓮藕同土豆片作配菜，入晒味好好食。另外仲叫咗回鍋肉，菜同肉嘅比例適中，我最鍾意沾有醬汁嘅蔬菜，又好味又有益。呢度無論你點咩菜式，都可以點麼麼皮，即係平時用嚟包片皮鴨嘅餅皮。我哋就用嚟包回鍋肉，味道出奇地夾，後悔只係點咗6張太少。炸饅頭俾阿仔食，佢因為太肚餓，自己一口氣食晒六個，練奶都差唔多冇得剩，就證明幾好食。我就最鍾意食萵筍，呢個熗炒萵筍絲簡單得嚟又好味，每條萵筍絲都好香好滑。酸梅湯酸酸甜甜，越飲越開胃，原本諗住開心share，結果都係叫多一杯。原來呢度嘅午市套餐都好抵食，下次如果經過都可以嚟幫襯。