影片
更多
2023-11-04
24 瀏覽
爖月串燒居酒屋今次嚟到尖沙咀一間叫「爖月串燒居酒屋」，一入去呢間居酒屋已經覺得充滿日本風味，天花掛咗幾把和風傘，全間以卡位為主，有d卡位好似包廂咁，仲有一間房係方便10人以上，私隱度極高，玩得幾癲都唔怕比人望到！至於輪椅人士都唔洗擔心，呢間居酒屋係有升降機上去，近門口亦有4張座椅可移動，食到中途如果急仲有殘廁用，真係好少餐廳有殘廁，殘廁入面仲整得好靚好乾淨，值得讚！1.鐵板和牛$168（9/10）和牛生熟程度恰到好處，聞落好香，外表有少少焦脆，入口即溶，再配合和牛面上嘅炸蒜一齊食，更有一番風味，蒜香將牛肉嘅層次升華！和牛旁邊嘅野菜亦都唔好睇小，除咗可以解和牛油膩外，亦都非常新鮮，清新爽脆嘅蔬菜！2.鵝肝$90（10/10）燒香嘅鵝肝令外面焦脆，再配以好脆嘅多士，好味！3.日本黑豚$40（9/10）豚肉軟滑有口感！4.牛骨髓$28（10/10）外面焦脆，入面軟綿綿，依家真係好難食得到！5.燒飯團（和牛蛋）$88（9/10）燒咗嘅飯團令外面真係好香脆，亦唔會因為燒而變得乾，飯團上面仲配以新鮮嘅雞蛋，蛋汁流入飯團，再夾埋和牛一齊食口感非常豐富，飯團就緊係唔少得香脆嘅紫菜啦！6.爖月比翼雙飛（
今次嚟到尖沙咀一間叫「爖月串燒居酒屋」，一入去呢間居酒屋已經覺得充滿日本風味，天花掛咗幾把和風傘，全間以卡位為主，有d卡位好似包廂咁，仲有一間房係方便10人以上，私隱度極高，玩得幾癲都唔怕比人望到！
至於輪椅人士都唔洗擔心，呢間居酒屋係有升降機上去，近門口亦有4張座椅可移動，食到中途如果急仲有殘廁用，真係好少餐廳有殘廁，殘廁入面仲整得好靚好乾淨，值得讚！
1.鐵板和牛$168（9/10）
和牛生熟程度恰到好處，聞落好香，外表有少少焦脆，入口即溶，再配合和牛面上嘅炸蒜一齊食，更有一番風味，蒜香將牛肉嘅層次升華！
和牛旁邊嘅野菜亦都唔好睇小，除咗可以解和牛油膩外，亦都非常新鮮，清新爽脆嘅蔬菜！
2.鵝肝$90（10/10）
燒香嘅鵝肝令外面焦脆，再配以好脆嘅多士，好味！
3.日本黑豚$40（9/10）
豚肉軟滑有口感！
4.牛骨髓$28（10/10）
外面焦脆，入面軟綿綿，依家真係好難食得到！
5.燒飯團（和牛蛋）$88（9/10）
燒咗嘅飯團令外面真係好香脆，亦唔會因為燒而變得乾，飯團上面仲配以新鮮嘅雞蛋，蛋汁流入飯團，再夾埋和牛一齊食口感非常豐富，飯團就緊係唔少得香脆嘅紫菜啦！
6.爖月比翼雙飛（原價$78）（9/10）
呢個爖月比翼雙飛只要Follow佢哋嘅社交平台就會送，店員會送上一份竹籃，用紙包住嘅乳鴿一點火好似玩緊魔術咁，乳鴿就會出現你眼前，呢個舉機拍片打卡一流！
乳鴿味道啱啱好，外脆內嫰，係佢哋嘅招牌菜！
7.天婦羅稻庭烏冬$88（8/10）
稻庭烏冬幼身質地好滑，天婦羅有大蝦、南瓜、茄子同青椒！
8.日本銀杏$28（9/10）
青綠色嘅日本銀杏，散發著特特別嘅香氣，燒得金黃，咬落煙韌！
9.自家製豆腐$28（8/10）
豆腐表面燒得非常香脆，內裡嫰滑，一咬落去豆香喺口內散發！
10.芝士燒翠玉瓜$28（10/10）
一上枱就會聞到濃烈嘅芝士香味，芝士燒得金香，但係望到翠玉瓜表面好似燒得好乾，原來唔可以淨睇外表，一咬落去翠玉瓜嘅汁即刻流出嚟，真係一試難忘！
11.廣島蠔$50（9/10）
廣島蠔非常飽滿，食落好鮮甜！
12.帶子$68（10/10）
一串有3大粒，外面燒到好金黃香脆，入面多汁！
13.巨峰乳酸梳打$28（9/10）
有巨峰味，甜度適中！
14.曲奇雪糕$25（9/10）
曲奇碎較甜！
15.抹茶雪糕$25（10/10）
抹茶味香濃！
2人總共價錢$740，新開張有優惠，仲有送爖月比翼雙飛（乳鴿），好唔錯！
個人口味總評分：9.2/10
@izakayarutsuki
地址：尖沙咀厚福街12-12A號藍馬商業大廈2樓
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#爖月串燒居酒屋 #居酒屋 #串燒 #尖沙咀 #尖沙咀好去處 #尖沙咀美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
張貼
