神燈海鮮酒家 (18廣場)

營業中

休息中

今日嚟到佐敦嘅神燈海鮮酒家 (18廣場)，佢係一間由大街轉入嘅酒樓，地點都幾方便。整體嚟講，食物質素正常，但價錢就真係幾親民！👍 啱晒想食得抵嘅朋友！神燈海鮮酒家地址： 佐敦長樂街14-20號18廣場地舖及1樓📍菊花茶🌼一坐低叫茶個陣發現佢地好特別有菊花叫，我地咁鍾意試新野，當然即刻點左，好清香，推介大家試試蜜汁脆燒鱔 🍯🐟呢個一定要推！鱔皮炸到卜卜脆，肉質又彈牙，一食就知係新鮮貨色！😋 個蜜汁又唔會太甜，啱啱好！正！🤤拆肉瀨尿蝦蝦餃 🦐🥟瀨尿蝦味都幾出，食到啖啖肉！😍 蝦餃皮薄餡靚，加上瀨尿蝦嘅鮮味，唔錯唔錯！😋香煎墨魚蝦餅 🦑🍤幾厚身，又彈牙，口感一流！👍 點埋個泰式辣醬，甜甜地，辣辣地，好惹味！🌶️ 一啖咬落去，好滿足！🤤XＯ醬煎腸粉 🌶️🍚最正係個石鍋「炸炸」聲！🔥 痴住石鍋嘅腸粉煙煙韌韌，口感一流！😋 XO 醬嘅香味又好突出，夠晒惹味！正！🤤其他仲有，市橋白賣、雪山叉燒包、椒鹽魷魚 🍚 🍞 🦑味道正常，唔會話好驚艷，但都算抵食！👍 總括嚟講，神燈海鮮酒家嘅食物質素正常，但勝在價錢夠晒親民！不妨嚟試吓！😉