新肥泉海鮮大排檔

營業中

休息中

最近廟街有夜繽紛，車仔檔小食都比較貴，行過啲轉個彎就見到熟食中心，決定上去探一探。喱間比較起廟街入面個啲好似性價比高啲，兩個人叫咗3個餸。豬膶啫啫鮮雞雞煲 $128超好味，香味撲鼻，好推薦比大家，真喺正如其名，「鮮雞」，雞肉好彈牙，即使係雞胸都唔會好霉，味道又唔會太搶，豬潤亦都好新鮮。避風塘軟殼蟹$168真係外脆內軟，又鎖到啲鮮甜蟹汁，餸啤酒汽水真喺一流，食完一啖又會再食，同埋都真喺幾大碟，食極都仲有。招牌海蝦球$138無錯就喺酸酸甜甜嘅菠蘿咕嚕蝦球，口味上喺比較甜，所以好好餸飯，同埋啖啖肉無骨最重要。行完廟街搵唔到食咩？真係要過嚟試一試。