影片
更多
2023-10-12
915 瀏覽
平時因工作關係經常到佐敦搵食，原來有一間高質日式居酒屋。餐廳裝修充滿濃厚日本風，地方唔算好大，但座位唔會太逼，其中一邊亦有模仿榻榻米的卡座，感覺真係有D似去咗日本地道居酒屋。❇️原條魴鮄魚刺身 $420▶️餐廳有好多款鮮魚刺身，今次試呢款叫魴鮄魚，真係第一次食。呢款魚係時令當造的，所以好新鮮，刺身亦切得透薄，味道有D似鯛魚，但口感比鯛魚嫩滑一D，沾上特別調製的醬汁食，更加提鮮，魚肉份量亦多。❇️刺身另外跟兩碗魚湯，奶白色，入口魚鮮味濃，飲得出完全無味精真係鮮魚餚製，好飲！❇️自家製厚燒玉子 $58▶️蛋味香濃，入口柔滑。❇️柚子汁牛脷沙律 $78▶️牛脷非常之軟淋亦好入味，而且差不多有12片舖滿沙律菜上面，份量都幾多。沙律菜有淡淡柚子汁味，酸酸甜甜，配合牛脷一齊食減輕油膩感。❇️苦瓜炒豚肉 $88▶️平時我怕食苦瓜的，但呢碟苦瓜切成薄薄一片，入口味道甘甘地唔會太苦，所以我都食到。另外加入了雞蛋及蛋汁，溝埋一齊食亦中和咗苦味，再配合埋薄切豚肉片及面層木魚碎，口感好豐富。❇️馬友一夜干 $138▶️魚皮好香脆，入面肉質亦唔會煎得好實，魚肉有鹹香亦食到魚本身的味道，即使唔點汁食都好夠味。❇️荔枝豚肉卷串 $56 及
餐廳裝修充滿濃厚日本風，地方唔算好大，但座位唔會太逼，其中一邊亦有模仿榻榻米的卡座，感覺真係有D似去咗日本地道居酒屋。
❇️原條魴鮄魚刺身 $420
▶️餐廳有好多款鮮魚刺身，今次試呢款叫魴鮄魚，真係第一次食。呢款魚係時令當造的，所以好新鮮，刺身亦切得透薄，味道有D似鯛魚，但口感比鯛魚嫩滑一D，沾上特別調製的醬汁食，更加提鮮，魚肉份量亦多。
❇️刺身另外跟兩碗魚湯，奶白色，入口魚鮮味濃，飲得出完全無味精真係鮮魚餚製，好飲！
❇️自家製厚燒玉子 $58
▶️蛋味香濃，入口柔滑。
❇️柚子汁牛脷沙律 $78▶️牛脷非常之軟淋亦好入味，而且差不多有12片舖滿沙律菜上面，份量都幾多。沙律菜有淡淡柚子汁味，酸酸甜甜，配合牛脷一齊食減輕油膩感。
❇️苦瓜炒豚肉 $88▶️平時我怕食苦瓜的，但呢碟苦瓜切成薄薄一片，入口味道甘甘地唔會太苦，所以我都食到。另外加入了雞蛋及蛋汁，溝埋一齊食亦中和咗苦味，再配合埋薄切豚肉片及面層木魚碎，口感好豐富。
❇️馬友一夜干 $138▶️魚皮好香脆，入面肉質亦唔會煎得好實，魚肉有鹹香亦食到魚本身的味道，即使唔點汁食都好夠味。
❇️荔枝豚肉卷串 $56 及雞肝串 $28▶️薄切豚肉包住原粒荔枝肉，一入口先品嚐到豚肉的香味再食到荔枝的清甜味，估唔到兩樣野味道好夾，好有驚喜，好好食！
雞肝沾上燒汁，食落甜甜地唔會有內臟的味道
❇️稻庭熱烏冬 $68▶️最後再來兩碗烏冬，入面有菜有菇，湯底非常清甜，麵質爽口彈牙
✅呢度整體食物質素相當唔錯，侍應換碟快又常主動加水，態度有禮，座位舒適有私隱度，值得再來！
張貼
