尚鮮海鮮料理

營業中

休息中

位於佐敦吳松街嘅尚鮮海鮮料理，係間隱世火鍋小店。有多款特色湯底選擇，有養生，雞煲，什菌，辣湯等。我哋叫左雙拼鍋底，鮮茄雜菜湯拼姬松茸冬瓜湯。平時打邊爐成日都會揀麻辣或者沙爹，食完感覺會好熱氣，但首先鮮茄沙底食落好清爽，蔬菜嘅甜味出哂係湯底到。另外姬松茸冬瓜，菇菌咪加埋冬瓜夏天啱哂。二人海鮮盛海鮮拼盤用料好新鮮，並唔係急凍價，每樣新鮮之餘，仲處理得好乾淨，特別鐘意佢嘅大蝦同扇貝，肉厚鮮甜，海鮮同茄湯夾到不得了。手切安格斯牛肥牛嘅油花均勻，無雪味。安格斯牛肉最緊要就係濃郁嘅肉味，而油脂只係幫助有一個滑身d 嘅口感。真係鐘意食肉味嘅朋友一定要叫呢個。黑豚肉片黑豚肉厚薄適中，煮完嘅肉質爽脆。咬落去嘅油脂感足夠，呢個好重要，因為油脂感唔夠嘅豚肉會食落好乾好韌。豚肉真係首選黑豚肉。菜心苗菜心苗比起食普通菜心，食落更爽口，菜嘅甜未得更特出，打邊爐一律食苗都一定無走雞！百花釀油條呢個係一個可以即食版本嘅油炸鬼釀墨魚膠。每條都係啱啱炸起，可以直接當小食咁食。就算係放湯都好，油炸鬼都唔係淋到實哂，墨魚膠都唔會咁易甩出嚟。