影片
更多
2023-02-27
46 瀏覽
聽過呢間嘢完全係因為當年佢出雪糕拉麵，呢啲gimmick 嘢真係唔會專登去試，尤其仲要話限量。幾個月前曾經經過，見到好多人排隊，已經覺得好奇，冇雪糕拉麵都有竟然人排隊喎！結果有個星期五咁啱響附近就自己一個黎排咗25分鐘。叫咗個海老沾麵同綠茶可樂。首先估你唔到綠茶可樂原來好飲，兩隻味都好平均（雖然個人覺得綠茶味多啲會再正啲）唔會好甜。配個沾麵正，消滯去油感。仲只係十蚊支！海老沾麵都幾大份，男仔應該會飽。湯真係好多櫻花蝦，香又唔會好油，最緊要個汁唔會太咸！個半肥瘦肉燒到好香，唔鞋口。蛋係流心嘅但唔係好香蛋味。啲荀合格但淋咗啲。總結就係遲啲又要黎排過食...
結果有個星期五咁啱響附近就自己一個黎排咗25分鐘。叫咗個海老沾麵同綠茶可樂。
首先估你唔到綠茶可樂原來好飲，兩隻味都好平均（雖然個人覺得綠茶味多啲會再正啲）唔會好甜。配個沾麵正，消滯去油感。仲只係十蚊支！
海老沾麵都幾大份，男仔應該會飽。湯真係好多櫻花蝦，香又唔會好油，最緊要個汁唔會太咸！個半肥瘦肉燒到好香，唔鞋口。蛋係流心嘅但唔係好香蛋味。啲荀合格但淋咗啲。
總結就係遲啲又要黎排過食...
張貼