財記辣蟹私房菜

營業中

休息中

約左朋友食飯喺銅鑼灣等經過樓下見有間新開私房菜 上網睇連食評都冇一心嚟做白老鼠同想試下包場嘅感覺點知好旺場 好彩仲有一兩張枱咋睇過餐牌都唔貴 叫左6個餸飲埋啤酒同汽水埋單都係7百幾 抵食呀脆皮炸豆腐個皮勁薄勁脆 入面豆腐好嫩滑蔥油走地雞半隻啲蔥多到好誇張 好鍾意呀😍😍雞肉好滑好入味 蔥油香到不得了 大力推介！菠蘿咕嚕肉酸甜味較得啱啱好 食落脆口薑蔥魚雲煲上枱仲係炸炸聲 魚雲幾多肉幾滑避風塘鮮魷魷魚好柔軟 啲炸蒜辣辣地超惹味 送啤酒一流馬拉盞炒通菜好夠鑊氣 炒得好爽口