又約咗食力組組員食飯，佢話想食中菜，買完野就上咗黎呢間菜館。二樓差唔多坐滿，好彩仲有張細枱，食住花生望吓餐牌諗叫咩餸。晚餐想要點湯羹，有家的味道就是粟米魚肚羹 ($108)。例牌份量大約有4碗。侍應好貼心拎埋樽胡椒粉，食時加少少，增加香辣感，同時又食到香甜粟米粒味，魚肚切成粒狀，方便易食之餘又不失口感。趁熱飲一碗先開餐。今晚無叫蟹，改食豉椒炒蜆 ($108)，放底後已聞到豉椒嘅香味。差唔多每隻都有肉同開口嘅，食唔到沙，蜆肉鮮甜。鍾意食鷄嘅會係呢度有選擇困難症，脆皮/沙薑/蔥油/手撕鷄都有，我地叫咗菜膽走地鷄 ($178/半隻)。半隻份量對眼，鷄肉嫩滑，唔食皮嘅可輕易去皮。加埋個獻汁，整體味道唔咸，單食都唔錯。捉緊仍然食到合時勝瓜嘅時間，最適合嘅煮法莫過於浸湯或清蒸。蒜蓉蝦乾蒸勝瓜 ($108)就出現係我地呢張枱上。去皮去得夠，只食到入面最嫩部份，清甜多汁。再淋上豉油熟油，加上蒜蓉夠晒惹味，再有蝦乾增加鮮味及咬感，呢個組合相當唔錯。食食吓發現有粉絲墊底，索咗豉油熟油，但又唔會好咸同油，又多樣野食。見到有個軒尼詩X招牌避風塘辣蟹套餐，搵次同好酒人士黎食吓炒蟹。侍應主動有禮，不時換碟加水，無限用餐時間，可以慢慢享受食物。…查看更多
