財記辣蟹私房菜

營業中

休息中

近近地想食下家常便飯 就諗起呢度 最鍾意個大玻璃望住天橋 食都食得好寫意💁🏻‍♀️而且豐儉由人 鍾意食海鮮又得 食吓小菜平平哋又得～❣️油鹽水魚湯浸蜆每次嚟都鍾意叫呢味餸 個湯又好重嘅胡椒味得來 亦帶有蜆嘅鮮甜味底下有啲粉絲 吸晒湯嘅精華蜆肉份量好足 而且粒粒飽滿 個肚位食到海水味煮到恰到好處 唔會韌 同埋最緊要完全冇沙❣️霸皇走地雞鍾意有勁多嘅薑蔥 仲有啲芫荽同紅椒絲 配埋啲秘製嘅豉油熟油 超級惹味雖然啲雞煮到全熟 但完全唔會覺得柴肉質仲好滑溜 隻雞都大隻 半隻兩個人食剛剛好❣️金銀蛋上湯浸時蔬白菜仔好新鮮 食落好脆口見過湯浸金黃色就知鹹蛋黃已經壓碎咗 同個湯融合咗落咗少少蘑菇碎 仲有大量嘅皮蛋粒粒 濕濕地撈飯好開胃

假日去完銅鑼灣行街街，同閨蜜喺銅鑼灣鬧市揀咗一間中式私房菜，好有驚喜！🥰🥰海鮮豆腐煲是一道美味的中式菜肴，通常包含各種新鮮海鮮和嫩滑的豆腐，搭配香濃的湯底，非常適合與家人或朋友分享。✨✨魚湯浸九肚魚是一道廣受喜愛的海鮮菜餚，是一種肉質細嫩、味道鮮美的魚類，十分特色，在於濃郁的魚湯和魚本身的鮮甜味。清淡健康之選。✨✨秘製沙拉骨通常使用豬骨，經過特別的調味和烹飪工藝，沙拉骨外層酥脆，肉質鮮嫩，咬下去的瞬間能感受到肉汁四溢。✨✨

財記辣蟹私房菜 (銅鑼灣)銅鑼灣駱克道447-449號中威商業大廈2-3樓味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：生炒排骨 $98，星洲炒米 $98生炒排骨：新鮮的排骨，經過精心醃製，肉質鮮嫩多汁，搭配了色彩繽紛的彩椒，增添了視覺的吸引力，讓整道菜更加誘人。炒製過程中，排骨在高溫下迅速翻炒，表面微微焦香，內部卻保持了肉質的鮮嫩，特製醬油更有拉絲效果，看見便口水流！😄😄😄星洲炒米：選用新鮮的鮮蝦和叉燒，加上獨特的咖喱辣味，讓每一口都充滿滋味。鮮蝦的鮮甜與叉燒的香氣相互融合，形成了獨特的風味。炒米粉吸收了咖喱的香料味，味道濃郁，色澤誘人，讓人忍不住要好好品嚐！👍👍👍

餐廳地點好方便，一班人聚會嘅話大家都諗起呢度！今晚我哋叫咗金銀蛋上湯浸時蔬🫶🏾味道咸香，最鍾意鹹蛋黃同皮蛋份量十足！湯頭清甜，唔死鹹。而且入邊有多款時蔬，總有一款啱你口味海鮮雜菜煲🫶🏾海鮮配料有帶子魷魚，蝦球等食材。款款都爽口彈牙，而且仲有木耳 粉絲 蓮藕 等配料，大份夾抵食😂半隻霸王走地雞 🫶🏾鹹香味十足，雞件嫩滑唔肥膩，送飯一流！加埋雞上面嘅蔥花條食，仲惹味可口餐廳仲有個大屏幕播電視，要吹水定睇電視任君選擇😆

有個外國朋友仔黎到香港話好想食中菜同海鮮 咁岩去開銅鑼灣 我地就去財記辣蟹私房菜食下私房菜我地食左 海鮮豆腐煲豆腐細嫩又勁滑 吸收了鮮美的海鮮湯汁 湯底濃郁卻不油膩 裡面的魚 仲要係斑 仲有魷魚 帶子都超級鮮 抵讚 加分呀！燒汁雜菌牛柳粒 牛柳粒外焦內嫩 煮得岩岩好 燒汁鹹香濃郁 為嫩滑的牛柳增添一絲甜美 搭配的雜菌鮮味十足 提供了與肉類截然不同的口感 整道菜充滿層次感蜜餞蒜香骨 排骨醃製入味 蜜餞的甜與蒜香的鹹完美結合 外層酥脆 內裏多汁

馬拉盞炒通菜🥬通菜炒得岩岩好 保持脆嫩口感 而馬拉盞既醬汁完美地滲透每一條通菜 呢種微辣既味道令我回味無窮 而且份量都算正常👍🏼健康又野味豉椒炒蜆🌶️辣度係小辣 但對我後講岩岩好是 蜆肉鮮嫩 同豉椒既香氣結合得恰到好處 每一粒蜆都充滿海鮮既鮮味 而且醬汁都非常濃郁 好適合用黎送飯～ 食到停唔到口😋秘製沙拉骨🐖沙拉骨外酥內嫩 每一啖都品嘗到豐富既肉香同香料的酸甜味 酸甜汁調配到剛好 加上額外加既沙拉醬 唔會太油膩而且幾爽口 份量都好多 兩個人都食唔晒 😆避風塘鮮魷🦑最後係避風塘鮮魷 魷魚炸到金黃酥脆 但裡面仍然保持住鮮嫩既口感 配埋好誇張好海量既香脆蒜蓉 簡直係食到大快人心 😍 可能我太鍾意食炸蒜 炸蒜令整道菜既層次感提升～財記辣蟹私房菜 (銅鑼灣)銅鑼灣駱克道447-449號中威商業大廈2-3樓#中菜#西餐#日本菜#食物打卡#相機食先#食好西系列#好食#好好食#鍾意食#打卡餐廳 #打卡美食#食評#foodie#yummy#yummyfood#hongkongfood#hkfoodie

約咗前老闆食飯，中菜乃是一個合適之選，就去呢度”飯聚”一下。有二同三樓兩層，有個魚缸及大電視，魚缸內有鮑魚及龍蝦伴食。菜式選擇除咗有招牌肉蟹及其他海鮮類，仲有唔少廣東菜式，價錢仲係親民價。食飯前先黎個湯羮，家常便飯代表有粟米魚肚羮 ($108)，侍應上枱時會拎埋胡椒粉，呢個係例牌份量，都有四碗。魚肚切成粒狀有少少嚼口，粟米夠香甜，食得辣嘅加埋胡椒粉就仲正。大家都對久違嘅豉椒炒蜆 ($108)心心眼，今晚可以一親芳澤。以豆豉配甜椒一齊炒，只睇呢個配搭就知無得輸。差唔多每隻蜆都開口，蜆肉軟嫩無咩沙粒，趁熱食一隻接一隻，好快就食晒。要惹味又要啖啖肉好送飯，就點選京蔥醬爆牛肉 ($128)。食材顏色配搭及油亮度吸睛。大量京蔥加紅黃甜椒，淋上惹味醬汁一齊快炒牛肉，牛肉入口唔韌，又係偷飯賊成員。蔬菜類煮法想清淡嘅有什菜煲，睇到呢碟椒絲腐乳炒通菜 ($98)，就知要濃味。炒得脆口無渣，再多D就仲好。今晚雖然無辣蟹，但都食得相當滿足。

好耐冇嚟呢間私房菜，今晚一嚟真係俾我驚喜！不單止菜品質素提升，服務都周，仲可以傾計坐到半夜，整體體驗up up！ 招牌咕嚕蝦油條，創意十足！脆卜卜嘅港式油條，疊上彈牙鮮嫩嘅蝦球，酸甜醒胃咕嚕汁，口感層次豐富，做開胃菜一流，成功俘虜我嘅味蕾。 避風塘九肚魚相當出色，炸到金黃酥脆嘅外皮，包裹住軟嫩如豆腐嘅魚肉，避風塘嘅蒜香同麵包糠嘅焦香融合，食到停唔到口。 潮式煎蠔仔餅夠大份，入面嘅蠔仔肉多，粒粒大粒，有誠意。 推介呢間私房菜畀大家，嚟試過都會like！

次次玩到好夜，通常都係食佢，得佢一間開得好夜之如，係可以食大排檔菜式嘅正餐，仲可以有翅湯飲，佢嘅翅湯有啲胡椒辣，唔太咸，勝在翅多料足，不過入面嘅菜式炒法真係有料到，有次好急想老闆炒個餸，都係一級棒嘅味道，老閭亦都算好有人情味，今次食得冇咁多，個鱈魚就係即場炒，連解凍時間都係喺好趕急嘅情況下整，等待時間真係算合理，唔係話好長時間，食落去係好重厚肉口感，魚肉好實，好似好有營養食落剛剛好，重點係食完大排檔通常會口渴，但呢間冇，除非自己食得額外醬汁多，好好囉，仲廁所都好乾淨。

我25號同朋友去咗呢間舖頭食飯， 其實之前我哋十月係去咗一次 嗰陣時覺得啲服務好好 啲嘢食都好好 ，所以我哋今次就再去啦，但係我哋今次都幾失望。首先，啲服務就同上次唔係好同 ，可能我上次係平日去， 但今次我係聖誕節去， 雖然我哋係兩個人去但係想坐張四個人枱 ，因為見到有幾張空嘅枱， 我之前訂咗個餐係有五六碟餸菜，如果坐一張二人四方形枱根本係擺唔曬咁多野，而且諗住節日可以坐得希望舒服啲， 但係個短髮嘅女服務員叫我哋坐嗰張枱 我哋就拒絕咗啦， 佢就面黑黑好似好唔想咁，好彩後尾有個後生嘅男服務員佢好醒目咁樣就畀我哋坐張四人枱， 第二 ，其實我哋今次最主要係想食隻蟹嘅 ，但係呢隻蟹唔好食，啲肉係鬆嘅同埋，唔係實肉嚟嘅， 彈牙就更加冇可能， 個蟹殼好怪， 唔係期望會有蟹膏（上次嗰隻有），但係個蟹殼係任何物質都冇……好古怪， 總之好失望啦，因為上次嗰隻蟹好好食，所以我哋先至再去多一次……第三， 牛肉啲疏打粉太勁， 啲肉質感麻麻另外， 如果啲餸菜落少啲油會好啲咁最後就， 都要讚下嘅就係啲甜品唔錯嘅 ，叫咗個椰子同埋桃嘅雪葩都ok嘅，另外嗰個後生嘅男服務員同埋嘅老嘅伯伯服務員都幾好嘅，係短髮嗰個女服務

中秋一班人食飯，搵左間中菜館食飯，呢餐有種俾人任*湯*的感覺紅燒魚一條紅燒魚成千蚊，價錢後講都真系好唔合理，仲要唔系特别大條多肉條魚系炸得幾香脆的，但價錢真系。。。京都排骨京都排骨正常貨色，豬扒都算大舊，酸酸甜甜送飯系ok ge 菜膽走地雞走地雞個味好咸好傑，同大食妹預期中唔同腐乳雜菜煲腐乳雜菜煲正常發揮，腐乳味唔算好重中式牛柳中式牛柳係幾好食嘅，甜甜地啲牛柳都算亂龍蝦伊麵龍蝦伊麵算係幾多龍蝦，啲龍蝦都算多肉芝士龍蝦伊麵都算幾多芝士，食到尾都仲食到芝士

放工找間環境好火喉爆的中菜，財記是好選擇。這裡必食小吃鹽花生，口感香脆，鹹香的味道令人回味無窮，讓人忍不住一口接一口，特別適合作為開胃小吃。椒鹽排骨：外皮酥脆，肉質鮮嫩，鹹香的椒鹽味道與排骨的甘甜形成完美的對比。海鮮豆腐煲：以鮮美的海鮮和嫩滑的豆腐為主角，味道濃郁。海鮮的新鮮好味，豆腐吸收了湯汁的精華，口感滑順，火喉夠晒。財記小炒皇：食材豐富，色香味俱全。炒制時火候掌握得宜，各種食材的鮮味均能凸顯出來，油炸鬼配韭菜花，還有炸腰果和炸蝦米，讓人每一口都充滿驚喜。 椒鹽九肚魚：外脆內嫩，魚肉的鮮甜與椒鹽的香氣完美融合。整體來看，這幾道菜品各具特色，無論是小吃還是主菜，都能讓人享受到不同的味覺體驗，值得一試！

今次呢間私房菜其實我都聽過好多次，但今次係第一次上嚟食。之前仲一直以為會好貴，但原來價錢同平時中菜館差唔多，質素都好高。———————————————🌟椒鹽九肚魚我本身真係好鍾意椒鹽九肚魚，估唔到呢度竟然有得食🥰因為香港好多餐廳雖然有餐牌但實際上都冇入貨冇得食，所以淨係有呢個菜式，我都已經超驚喜！呢道椒鹽九肚魚同出面比會切得比較細塊，比較容易入口。外皮薄而且外脆內嫩，椒鹽味道入味，魚肉鮮美，實在係好滿意。🌟啫啫通菜煲呢個啫啫通菜煲係火喉夠，通菜都非常新鮮翠綠。鍋底嘅汁有大蝦米炒香，鹹香加少量辣椒味都可以滲入通菜。🌟黑椒牛仔骨煲黑椒牛仔骨煲嘅牛仔骨夠曬腍身，肉質嫩滑。入邊仲有好多洋蔥，炒得非常香，忍唔住都清曬。🌟鹹蛋黃焗鮮魷鹹蛋黃焗鮮魷非常有驚喜，鹹蛋黃嘅香味同鮮魷嘅彈牙口感完美結合，鹹蛋黃汁整得好好，並確保咗每一件鮮魷都沾得均勻，每一口都令人陶醉，非常推薦👍🏻🌟蜜桃雪葩最後嚟咗個蜜桃雪葩，係一個中式餐廳都出現嘅日式甜品，真係有半粒蜜桃喺入面，味道香甜，非常有趣又特別，係一個清新嘅結尾。

📍 財記辣蟹私房菜 @choikeeprivateltd地址：銅鑼灣駱克道447-449號中威商業大廈2-3樓銅鑼灣✨高性價比私房菜 💡這間位於銅鑼灣的財記辣蟹私房菜 環境寬敞舒適 設有獨立房間 🏠餐廳坐無虛席 好味又有驚喜❤️椒鹽排骨 〰️一上枱聞到味道就口水直流了🤤排骨外酥內嫩 椒鹽味十足 大大塊食落超滿足 ✔️中式煎牛柳 〰️大牌檔指標性菜式一定要食 牛柳好有鑊氣 💕最緊要係肉質軟腍，咬落口仲有肉汁滲出 好出色！馬拉盞炒通菜 〰️菜既份量蠻多 而且炒得幾好味 😍既保留了菜的爽脆口感 又有馬拉盞既香濃 🫶🏻鹹魚雞粒炒飯 〰️鹹魚的味道好香 米飯粒粒分明 用料實在 🍚吃起來清爽無負擔 很合我的胃喔 🥄

鍾意呢度嘅環境 有塊大玻璃可以望住堅拿道西天橋而且呢度嘅座位唔算好多 店員可以提供更貼心嘅服務上一層仲可以包房添 多人嚟食就可以更加有私隱度啦✔️霸王走地雞每次嚟都會點雞嘅菜式 醃得夠入味之餘雞肉都煮到恰到好處 食落好嫩滑 但又唔會滲血水霸王雞其實用上豉油熟油做調味 再配上蔥絲同紅椒絲生蔥嘅味道果然夠晒霸道 豉油就唔會話好咸✔️鹹魚蒸肉餅用半煎炸嘅方法去製作 烹調需時 想食好嘢就要等喇一份有成六大件又好厚身 睇見個金黃色就流口水食落有鹹魚嘅鹹香 肉餅食落好juicy 唔會話煎到好乾身✔️海鮮雜菜煲比起海味雜菜煲 海鮮雜菜煲更加啱我胃口有大大隻嘅鮮蝦，帶子、斑片、鮮魷再配上雜菌、蓮藕、雲耳、西蘭花、菜心，芥蘭、生菜個湯飲落都好清 唔會話落咗味精出街食飯都可以食得好健康㗎蟹都好新鮮 不過我唔捨得食🙈