影片
更多
2022-11-12
790 瀏覽
平時好少食下午茶，感覺都係酒店餐廳呃錢嘅玩意，又唔好食又細份。不過想同朋友見面輕鬆傾下計，又有識食朋友介紹呢度嘅afternoon tea set，於是就嚟試下。茶園位於君悅酒店嘅閣樓，樓底非常高，空間好闊落，佈置係比較傳統嘅風格，有落地玻璃令到有室內自然光，感覺開揚同輕鬆啲。最正係有現場鋼琴演奏，氣氛好舒服，彈嘅係流行廣東歌，好有中西fusion嘅味道XD 而家係11月，做緊秋季下午茶，閒日$368一位加一。下午茶架有三層，分別係scone、鹹點同甜點，包一壺茶或者一杯咖啡，最特別就係任食即製crepe、窩夫、自家製雪糕、甜點心同水果，當然要空肚迎接😝 今次嘅秋季下午茶架有：🧈原味&蘋果提子scone配檸檬忌廉、clotted cream同士多啤梨jam📝個scone牛油味香，少少乾身但唔會好過份。個檸檬忌廉幾正，超酸但好清新，好醒神😎🥪煙三文魚香草忌廉芝士撻、英式咖喱雞肉三文治、沙樂美腸意式肉腸芝士三文治、辣根忌廉燒牛肉卷、羊奶芝士燒南瓜批📝除咗肉腸芝士三文治比較普通，其他都幾好食，尤其是羊奶芝士燒南瓜批，一擺入口真係有驚喜！質感好滑，少少鹹香😋🧁朱古力焦糖慕絲泡芙、杏仁香梨忌廉蛋
茶園位於君悅酒店嘅閣樓，樓底非常高，空間好闊落，佈置係比較傳統嘅風格，有落地玻璃令到有室內自然光，感覺開揚同輕鬆啲。最正係有現場鋼琴演奏，氣氛好舒服，彈嘅係流行廣東歌，好有中西fusion嘅味道XD
而家係11月，做緊秋季下午茶，閒日$368一位加一。下午茶架有三層，分別係scone、鹹點同甜點，包一壺茶或者一杯咖啡，最特別就係任食即製crepe、窩夫、自家製雪糕、甜點心同水果，當然要空肚迎接😝
今次嘅秋季下午茶架有：
🧈原味&蘋果提子scone配檸檬忌廉、clotted cream同士多啤梨jam
📝個scone牛油味香，少少乾身但唔會好過份。個檸檬忌廉幾正，超酸但好清新，好醒神😎
🥪煙三文魚香草忌廉芝士撻、英式咖喱雞肉三文治、沙樂美腸意式肉腸芝士三文治、辣根忌廉燒牛肉卷、羊奶芝士燒南瓜批
📝除咗肉腸芝士三文治比較普通，其他都幾好食，尤其是羊奶芝士燒南瓜批，一擺入口真係有驚喜！質感好滑，少少鹹香😋
🧁朱古力焦糖慕絲泡芙、杏仁香梨忌廉蛋糕、檸檬柚子吉士朱古力蛋糕、糖漬無花果楓糖忌廉合桃撻
📝甜品真係不分上下，全部都好食，唔會太甜，應有嘅味都好突出，而且賣相都好精緻😊
至於任食方面，即叫即製嘅crepe係首推🤩可以揀原味crepe然後自己加醬同雪糕，亦都可以揀用橙酒煮，濕潤嘅餅皮滲透酒香加橙香，必試😋雪糕都有成10隻口味揀，有啲味幾特別，例如粟米同巨峰提子，不過兩隻都唔好食🤪朱古味就高度推介，用咗72%嘅Valhorna朱古力，仲有朱古力碎喺入面，超濃郁又唔甜🤤
反而窩夫有啲可惜，一早整定，外皮偏硬身，入面又唔夠鬆軟。甜點心試咗一粒可麗露，非常難食，絕對唔需要浪費quota🙈
最後食到勁飽，仲食唔晒要打包，估唔到食下午茶都咁飽🤣環境食物都高質，同朋友過咗一個滿足休閑嘅港女下午，值得一試👍🏻
張貼
