影片
更多
2025-01-29
0 瀏覽
今次我同朋友係九龍公園踢完波約左食飯，個friend話帶我黎附近打邊爐，話lunch抵食，咁就跟佢黎左呢度食⚽️餐廳都幾大，坐位幾闊，而最大既特點係佢午市可以食足4.5小時，由12點食到4點半，唔怪得我朋友話抵，我地踢完波，飲陣野，抖順條氣先慢慢食😆Lv3西班牙伊比利亞黑毛豬（每位$228）鴛鴦湯底（+$48）湯底我地揀左藥膳椰子雞鍋，同埋麻辣牛肉湯，其中麻辣牛肉湯我覺得似台灣牛肉麵既味道，同平時食開既麻辣有d唔同🌶️肉類最靚既就係西班牙伊比利亞黑毛豬，另外仲有無激素豬肉片，兩款都唔錯，牛肉就有prime肥牛片，屬於中等級數，lv3食到呢個質素都ok🥩🐷升級海鮮及其他配料（+$40）食咁耐我地覺得升級埋海鮮都ok，d海鮮我覺得唔錯，蝦大大隻又新鮮，花膠都幾靚，鱔比我就覺得普通，最好食就係個蜆，d肉係大大粒，冇沙又夠鮮味，蜆我地encore左幾round，真係必食🦐🐟其餘火鍋配料都好齊，手打丸，牛丸，黑毛肚我比較鐘意，黑毛肚要升級先有，仲有條足8吋長既蟹柳都真係好大，成4條芝士腸咁長，而蔬菜佢地竟然有任食皇帝菜，比較少見，我又係叫左幾兜🥬🥟🍡飲品除左平時雪櫃常見既飲品，仲有自製既茶，而最特別
餐廳都幾大，坐位幾闊，而最大既特點係佢午市可以食足4.5小時，由12點食到4點半，唔怪得我朋友話抵，我地踢完波，飲陣野，抖順條氣先慢慢食😆
Lv3西班牙伊比利亞黑毛豬（每位$228）
鴛鴦湯底（+$48）
湯底我地揀左藥膳椰子雞鍋，同埋麻辣牛肉湯，其中麻辣牛肉湯我覺得似台灣牛肉麵既味道，同平時食開既麻辣有d唔同🌶️
肉類最靚既就係西班牙伊比利亞黑毛豬，另外仲有無激素豬肉片，兩款都唔錯，牛肉就有prime肥牛片，屬於中等級數，lv3食到呢個質素都ok🥩🐷
升級海鮮及其他配料（+$40）
食咁耐我地覺得升級埋海鮮都ok，d海鮮我覺得唔錯，蝦大大隻又新鮮，花膠都幾靚，鱔比我就覺得普通，最好食就係個蜆，d肉係大大粒，冇沙又夠鮮味，蜆我地encore左幾round，真係必食🦐🐟
其餘火鍋配料都好齊，手打丸，牛丸，黑毛肚我比較鐘意，黑毛肚要升級先有，仲有條足8吋長既蟹柳都真係好大，成4條芝士腸咁長，而蔬菜佢地竟然有任食皇帝菜，比較少見，我又係叫左幾兜🥬🥟🍡
飲品除左平時雪櫃常見既飲品，仲有自製既茶，而最特別係佢地有個暖櫃提供熱飲，雖然唔岩我，我踢完波要飲凍，不過我覺得係幾貼心既👍🏻
呢間火鍋店都幾抵食，可以食足4個半鐘，我最後冇坐到咁耐，但係唔洗趕頭趕命咁食任食，可以慢慢食係幾舒服，野食我覺得唔錯，如果想食靚牛可能要再高級d，我就覺得升級海鮮呢part係值既👏🏻
張貼
