影片
更多
2024-11-22
1761 瀏覽
傳說中有間300幾蚊就有任食魚子醬嘅放題…位於旺角帝京酒店嘅殿·大喜屋，入口喺MOKO(新世紀廣場)L1，好易搵。環境相當闊落，包括自助區，一啲都唔逼。廢話少講，嚟得就係想食佢傳說中嘅魚子醬。佢嘅魚子醬係真正嘅鱘魚子醬，所以並唔係純黑色。餐廳有提供膠匙羹享用，食落就係鹹鹹地帶極致嘅鮮味。我哋2人一共食到4轉共8罐，已經係回咗本🤣。其他嘢食方面，所有海膽菜式都係用日本海膽，包括海膽軍艦、拖羅蓉魚子海膽卷等。所以海膽都係相當新鮮美味。刺身亦一啲都唔弱，有埋拖羅、帶子、赤背、蟹腳甚至池魚王等，不過三文魚嘅表現一啲都唔輸蝕。跟住就到熱食。鵝肝、焗蠔、乳鴿、鰻魚、牛舌等，呢啲係標準嘅最高端熱食，一應俱全。特別係鐵板厚切鵝肝，非常厚，食幾轉真係會飽😂。自助區嘅嘢食都好見得人。包括瀨尿蝦、小龍蝦、榴槤蓉、點心、cold cut等。飲品方面先誇張，基本上係成間餐廳嘅水吧😂。除咗超長飲品櫃，仲有熱煮清酒、紅白酒、咖啡機、熱櫃等，飲都飲得飽😂。甜品當然都唔輸蝕，凍熱都有，高端品牌嘅雪糕、楊枝甘露、椰汁西米露等，基本上唔飽係走唔甩😂。呢度有齊大量高端同高質素嘅嘢食嘢飲，三百幾蚊可以任食魚子醬，簡直係天方夜譚
位於旺角帝京酒店嘅殿·大喜屋，入口喺MOKO(新世紀廣場)L1，好易搵。環境相當闊落，包括自助區，一啲都唔逼。
廢話少講，嚟得就係想食佢傳說中嘅魚子醬。佢嘅魚子醬係真正嘅鱘魚子醬，所以並唔係純黑色。餐廳有提供膠匙羹享用，食落就係鹹鹹地帶極致嘅鮮味。我哋2人一共食到4轉共8罐，已經係回咗本🤣。
其他嘢食方面，所有海膽菜式都係用日本海膽，包括海膽軍艦、拖羅蓉魚子海膽卷等。所以海膽都係相當新鮮美味。刺身亦一啲都唔弱，有埋拖羅、帶子、赤背、蟹腳甚至池魚王等，不過三文魚嘅表現一啲都唔輸蝕。
跟住就到熱食。鵝肝、焗蠔、乳鴿、鰻魚、牛舌等，呢啲係標準嘅最高端熱食，一應俱全。特別係鐵板厚切鵝肝，非常厚，食幾轉真係會飽😂。自助區嘅嘢食都好見得人。包括瀨尿蝦、小龍蝦、榴槤蓉、點心、cold cut等。
飲品方面先誇張，基本上係成間餐廳嘅水吧😂。除咗超長飲品櫃，仲有熱煮清酒、紅白酒、咖啡機、熱櫃等，飲都飲得飽😂。甜品當然都唔輸蝕，凍熱都有，高端品牌嘅雪糕、楊枝甘露、椰汁西米露等，基本上唔飽係走唔甩😂。
呢度有齊大量高端同高質素嘅嘢食嘢飲，三百幾蚊可以任食魚子醬，簡直係天方夜譚，難關未入座已經企滿人等位。要注意嘅係，殿·大喜屋雖然有唔同分店，但係嘢食種類未必相同。
張貼
