影片
更多
2024-05-01
27 瀏覽
餐廳：Tokio Joe (中環)地址：中環蘭桂坊16號地舖相信大家對日式放題都唔陌生，不過我諗大家即刻就會聯想起好似旺角兆萬中心嘅任食放題店，不過質素如何？就真喺見仁見智😂，但我諗好多人唔選擇去嘅原因都喺因為驚食材唔新鮮呢間扎根中環蘭桂坊29年嘅日本餐廳Tokio Joe，喺本地歷史最悠久嘅廚師發辦餐廳之一，仲曾經招待過碧咸同王菲🤩。店內環境用咗深色嘅木系傢俬配合日式古董擺設，塑造出充滿復古同藝術感嘅空間🎨，播住輕快嘅jazz music🎵，唔會有一般高級日本餐廳拘謹嘅氣氛，喺度食飯就更加輕鬆舒適💆🏻♂️除咗午市定食、晚食A La Carte日式料理同廚師發辦之外，最受歡迎莫過於佢哋嘅週末早午餐(成人$620/小童$350)😎，有指定時令菜色、刺身拼盤同主菜之外，沙律🥗、壽司卷🍣、燒物🍢、天婦羅炸物🍤、甜品等都喺無限量供應🤟🏽，雖然任食選擇得33款，但食埋前菜、主食等都其實好滿足😌。所有食物都喺高級日本餐廳嘅材料同質素，每樣都喺即叫即整，所以order完食物都真喺要等5-10分鐘(慢工出細貨啊嘛)。依家喺openrice訂位都有8折㗎(只限食品)🈹坐底先送上每人一客嘅小食同刺身拼盤，
地址：中環蘭桂坊16號地舖
相信大家對日式放題都唔陌生，不過我諗大家即刻就會聯想起好似旺角兆萬中心嘅任食放題店，不過質素如何？就真喺見仁見智😂，但我諗好多人唔選擇去嘅原因都喺因為驚食材唔新鮮
呢間扎根中環蘭桂坊29年嘅日本餐廳Tokio Joe，喺本地歷史最悠久嘅廚師發辦餐廳之一，仲曾經招待過碧咸同王菲🤩。店內環境用咗深色嘅木系傢俬配合日式古董擺設，塑造出充滿復古同藝術感嘅空間🎨，播住輕快嘅jazz music🎵，唔會有一般高級日本餐廳拘謹嘅氣氛，喺度食飯就更加輕鬆舒適💆🏻♂️
除咗午市定食、晚食A La Carte日式料理同廚師發辦之外，最受歡迎莫過於佢哋嘅週末早午餐(成人$620/小童$350)😎，有指定時令菜色、刺身拼盤同主菜之外，沙律🥗、壽司卷🍣、燒物🍢、天婦羅炸物🍤、甜品等都喺無限量供應🤟🏽，雖然任食選擇得33款，但食埋前菜、主食等都其實好滿足😌。所有食物都喺高級日本餐廳嘅材料同質素，每樣都喺即叫即整，所以order完食物都真喺要等5-10分鐘(慢工出細貨啊嘛)。依家喺openrice訂位都有8折㗎(只限食品)🈹
坐底先送上每人一客嘅小食同刺身拼盤，用鐵羹奉上嘅北海道蟹肉伴海膽鮮味十足，一啖放入口真喺好滿足💘，第一道菜已經有一個好開始🥰；
刺身拼盤包括北海道帶子、鰤魚、油甘魚、三文魚、甜蝦、左口魚同三款吞拿魚🐟，
每款都新鮮高質，我最鍾意喺入口即溶、油脂味濃嘅吞拿魚腩👅；而每兩至三位亦可以揀一樣時令鰤魚菜式，
我地就揀咗鰤魚沙律🥗，用咗紅醋同薑蓉醬油醃製嘅魚肉特別鮮香開胃😙
壽司卷方面有各式各樣嘅食材配搭，例如軟殼蟹牛油果卷、吞拿魚天婦羅片辣味蛋黃醬卷等等，而我就叫咗個一份6件嘅香辣三文魚天婦羅吞拿魚卷🍙，三文魚碎天婦羅酥脆，面頭嘅吞拿魚刺身柔軟細膩🤌🏽，加上微辣嘅醬汁更加惹味🔥，當中仲有一塊紫蘇葉，不過個人就覺得佢嘅獨特香味搶咗少少味🤏
佢哋嘅串燒得8款，但即叫即燒加上用料上乘真心會令你一再encore👨🏻🍳，日本雞翼外皮燒到金黃香脆，雞肉保持到鮮嫩多汁💦；
日本青椒仔爽脆清新，甘甜嘅味道中帶有一絲焦香🫑；
免治雞肉棒喺我嘅至愛😍，入口熱辣辣，軟嫩嘅雞肉鮮香加埋脆口軟骨碎，蘸埋蛋黃汁一齊食口感層次提升，好食到encore咗三次先夠喉💯
好少見嘅左口魚天婦羅，薄脆外層同左口魚爽滑嘅口感形成強烈對比，配上辣蛋黃醬將油膩感大大減低⬇️
A5佐賀和牛薄燒豐富均勻嘅霜降油脂，肉質幼嫩帶有濃郁甘香🥩，中間放咗大量蔥花同炸蒜增添風味，入口齒頰留香🤤，如果大份啲或者有得encore我一定會再叫🙈
最後記住留肚食甜品，尤其喺超多紅豆嘅抹茶雪糕🍨，甜蜜嘅紅豆襯托出清香抹茶🍵，而黑芝麻雪糕相比之下綿密順滑，充滿醇厚溫和嘅風味🩶；最後食埋新鮮水果拼盤就完美咁為呢餐劃上句號😇
張貼
