影片
更多
2024-01-24
120 瀏覽
極尚大喜屋係牛站嘅姊妹品牌，食材款式高質有保證，性價比極高！提供有多款高質刺身壽司，仲有啲熟食、鍋物都唔錯，自助區仲可以任拎沙律同甜品，連清酒都可以任飲！平日人均$300都唔使，已經食得超滿足，唔怪得門口keep住有人龍！-——————————————💕◖晚市放題◗ $288/刺身壽司🐟作為重點回本位，佢嘅刺身壽司做得唔錯，刺身厚切鮮甜、壽司都好多款！刺身種類幾多，除咗基本嘅甜蝦、帶子、油甘魚、三文魚、北寄貝、希靈魚，仲有花海蜇、大赤蝦、池魚、馬刀貝、赤背同榮螺，全部都大大片超厚切！推薦三文魚、池魚，油脂豐富好鮮甜，而且厚切口感特別滿足；另外佢嘅赤蝦好黏糯、榮螺好爽脆都唔錯～除咗刺身，仲有多款壽司同手卷，推薦牛油果伴松葉蟹肉、龍蝦沙律甜蝦多士同芝士飛魚籽玉子燒～/一品料理🧆佢嘅熱食都煮得唔錯，有紅燒乳鴿、紅燒花膠、花雕醉鮑魚、麻辣小龍蝦，仲有多款小熦，好似鱔球、一口牛，真係炒得有鑊氣！特別大推川燒廣島蠔🦪，連殼原隻上，上面放咗蒜蓉，肉質飽滿超爆汁，一打一打咁食都唔過分！🤤/燒物🍢有牛舌、鰻魚、羊架、燒菠蘿、翠玉瓜呢啲，上枱全部熱辣辣，燒得香口！佢個菠蘿同翠玉瓜都好清甜，啱晒消膩！另外仲
-——————————————
💕◖晚市放題◗ $288
/刺身壽司🐟
作為重點回本位，佢嘅刺身壽司做得唔錯，刺身厚切鮮甜、壽司都好多款！刺身種類幾多，除咗基本嘅甜蝦、帶子、油甘魚、三文魚、北寄貝、希靈魚，仲有花海蜇、大赤蝦、池魚、馬刀貝、赤背同榮螺，全部都大大片超厚切！推薦三文魚、池魚，油脂豐富好鮮甜，而且厚切口感特別滿足；另外佢嘅赤蝦好黏糯、榮螺好爽脆都唔錯～除咗刺身，仲有多款壽司同手卷，推薦牛油果伴松葉蟹肉、龍蝦沙律甜蝦多士同芝士飛魚籽玉子燒～
/一品料理🧆
佢嘅熱食都煮得唔錯，有紅燒乳鴿、紅燒花膠、花雕醉鮑魚、麻辣小龍蝦，仲有多款小熦，好似鱔球、一口牛，真係炒得有鑊氣！特別大推川燒廣島蠔🦪，連殼原隻上，上面放咗蒜蓉，肉質飽滿超爆汁，一打一打咁食都唔過分！🤤
/燒物🍢
有牛舌、鰻魚、羊架、燒菠蘿、翠玉瓜呢啲，上枱全部熱辣辣，燒得香口！佢個菠蘿同翠玉瓜都好清甜，啱晒消膩！另外仲有一啲居酒屋嘅菜式，好似西京燒比目魚、鯖魚就，食材用料高質，調味亦做得啱啱好，帶得出食物嘅味道！最抵讚係佢哋新推出嘅烤榴槤，雖然食得出係急凍嘅，但咬落都好香好清甜，烤過外皮乾乾地，口感更佳！
/炸物🍘
日式天婦羅有皇帝蟹棒、虎蝦、南瓜同番薯仔，另外仲有芝麻雞翼、榴槤炸彈同香芋丸同炸鮮奶，款式唔算太多～必食嘅一定係佢嘅榴槤炸彈，熱辣辣又脆口，口感煙煙韌韌，包住流心嘅榴槤蓉，正！
/煮物🍜
有雪花牛肉鍋、牛肉湯烏冬、黑蒜油豬骨拉麵、酸菜魚、蟹黃粥呢啲，做得都幾出色！食落相對上容易飽肚，啱晒喺食生冷嘢之前食少少墊一墊胃！
/甜品🍨
多數甜品都係自助區自取，除咗自家製嘅奶凍、布甸之外，仲有任拎嘅雪糕櫃，Häagen-Dazs雪糕杯都係任拎，食完放題食返個甜品啱啱好！
/飲品🧃
有咖啡機同多款自取包裝飲品，仲有清酒同自家製冷泡茶可以選擇～
🌟Encore指數：8.6/10
張貼
