影片
更多
2025-01-27
146 瀏覽
不嬲都知道牛大人好多人，質素又好好多嘢食，所以今次就同屋企人過嚟試咗佢哋嘅日本黑毛和牛A4+吃到飽🤩今次我嗌咗阿嬤養生濃湯鍋，濃郁湯底其實用佢唔使點豉油而且清清地。日本黑毛和牛A4+吃到飽梗係要叫佢嘅黑毛和牛，肥瘦相間牛肉味夠濃郁，油脂香幾好，但係唔可以食太多，因為都會有少少滯🤣另外跟餐會附送海鮮拼盤有蟶子、帆立貝、鮑魚、生蠔，全部海鮮都非常新鮮，注意煮一陣就OK啦，如果唔係就太熟😎仲有澳洲和牛丸好濃郁嘅牛肉味。我覺得牛大人最好嘅係佢啲肉類質素都幾好，而且每次出餐都係差唔多質素夠穩定，SRF美國黑牛後腿肉、澳洲和牛M5 牛肩卷同伊比利亞黑毛豬梅肉我都推薦大家去試😌另外仲有好多嘢食可以嗌，熱食嘅話我推介黑松露腐皮卷、炭燒鹽蔥鮑魚，特別係鹽蔥鮑魚出面炸得好香脆，但係入面依然係彈牙嘅，而且調味都幾好。如果鍾意食鮑魚仲可以另外嗌鮮鮑魚自己放落火鍋任食😋雖然佢出面有好多嘢飲，我都鍾意飲佢自己嘅冷泡茶，不過打邊爐再加鬼佬涼茶即係啤酒仲過癮🍺出面仲有好多唔同嘅蔬菜同埋台式丸類、仲有王子麵、同埋雪糕。食到最後梗係要食返kit kat 雪條同埋movenpick雪糕🍨
不嬲都知道牛大人好多人，質素又好好多嘢食，所以今次就同屋企人過嚟試咗佢哋嘅日本黑毛和牛A4+吃到飽🤩
今次我嗌咗阿嬤養生濃湯鍋，濃郁湯底其實用佢唔使點豉油而且清清地。日本黑毛和牛A4+吃到飽梗係要叫佢嘅黑毛和牛，肥瘦相間牛肉味夠濃郁，油脂香幾好，但係唔可以食太多，因為都會有少少滯🤣另外跟餐會附送海鮮拼盤有蟶子、帆立貝、鮑魚、生蠔，全部海鮮都非常新鮮，注意煮一陣就OK啦，如果唔係就太熟😎仲有澳洲和牛丸好濃郁嘅牛肉味。我覺得牛大人最好嘅係佢啲肉類質素都幾好，而且每次出餐都係差唔多質素夠穩定，SRF美國黑牛後腿肉、澳洲和牛M5 牛肩卷同伊比利亞黑毛豬梅肉我都推薦大家去試😌
另外仲有好多嘢食可以嗌，熱食嘅話我推介黑松露腐皮卷、炭燒鹽蔥鮑魚，特別係鹽蔥鮑魚出面炸得好香脆，但係入面依然係彈牙嘅，而且調味都幾好。如果鍾意食鮑魚仲可以另外嗌鮮鮑魚自己放落火鍋任食😋雖然佢出面有好多嘢飲，我都鍾意飲佢自己嘅冷泡茶，不過打邊爐再加鬼佬涼茶即係啤酒仲過癮🍺
出面仲有好多唔同嘅蔬菜同埋台式丸類、仲有王子麵、同埋雪糕。食到最後梗係要食返kit kat 雪條同埋movenpick雪糕🍨
張貼
