濟州燒肉食堂

營業中

休息中

放工約左人食飯，想食烤肉，諗起德福有間食韓燒，地點又方便，所以就去左德福食🤩一坐低店員就送黎韓式小菜，有泡菜、芽菜、菠菜、醃蘿蔔，小菜加$40可以無限添加，不過爐邊蛋同芝士粟米就唔洗加錢都可以任食。叫左食堂牛肉盛合、一級五花肉同仁川鰻魚黎燒，牛肉盛合好豐盛，有牛五花、牛小排、安格斯牛外群肉、牛胸爽肉、牛舌，牛味香濃，入口充滿脂香味，口感各有不同，但牛肉都係幾靚。一級五花肉燒到黃金色澤再包住生菜食味道就最正🤩鰻魚口感幾爽脆，魚肉唔容易散開。淨係食燒肉又會太heavy,所以叫個冷麵解解膩，水冷麵落左冰塊，夠晒凍🤪而且酸甜嘅味道很醒胃🤪加入蛋、蘿蔔絲、青瓜絲，食落清新解膩👍🏻好岩同烤肉一齊食😜大醬湯都好飲，仲跟左個白飯，大醬湯有蜆、翠肉瓜、肉、金菇等，配白飯食都幾好☺️飲品叫左柑橘梳打同青檸梳打，青檸梳打幾好飲，味道有D似香水檸檬茶。