影片
更多
2024-10-16
3146 瀏覽
完全刷新左我對韓麵既認知到底點樣可以將啲野煮到咁難食首先，排隊勁亂 唔洗拎飛架你隨便排成一條隊就係架啦 🙂↕️大佬，你放條欄杆俾人望下都好啊俾行過既路人打左尖都唔知咩事我散叫左一碗辣排骨湯麵另加一份泡菜餃子女友就嗌左辣牛肉湯麵set 跟Gimbab跟餐會有小食前菜 泡菜-蘿白-薏米小拌飯(聲稱係降血糖用)跟住，個薏米飯係凍到啲醬完全撈唔匀硬到一餅餅 撈左成分鐘 都未撈得散啲飯食完 啲血糖升得仲快 🤢再黎 蘿白好冧 無咬口 酸到盲佬都開眼泡菜就死鹹 Gimbab諗住安全啲 但除左好少既麻油味 我就好似食緊一舊咬左好耐 已經無晒味既香口膠咁 泡菜餃子皮薄無爛 呢個值得讚點個醋醬食不錯的跟住到主菜啦麵既質地煙韌彈牙，但完全唔襯個辣湯底反正兩者係各有各味道 配搭唔埋或者應該真係叫個清湯可能會好啲！？88蚊一碗排骨湯麵 我有3舊大骨 但得一舊有肉女友個碗仲離譜 牛肉麵 見唔到有牛片但有一兩撮好似葱絲咁幼既牛絲😂笑左出聲真係最後埋單240左右香港人真係犯賤 硬係中意俾錢買難受 走去做試伏器但商家可唔可以俾翻啲誠意 而家好多好食既本地餐飲小店 捱都捱唔住你咁樣搞只會令更多香港人對自己市場 最後個小小
到底點樣可以將啲野煮到咁難食
排骨辣湯麵
$88
1264 瀏覽
1 讚好
0 留言
首先，排隊勁亂 唔洗拎飛架
你隨便排成一條隊就係架啦 🙂↕️
大佬，你放條欄杆俾人望下都好啊
俾行過既路人打左尖都唔知咩事
我散叫左一碗辣排骨湯麵
另加一份泡菜餃子
女友就嗌左辣牛肉湯麵set 跟Gimbab
跟餐會有小食前菜
泡菜-蘿白-薏米小拌飯(聲稱係降血糖用)
跟住，個薏米飯係凍到啲醬完全撈唔匀
硬到一餅餅 撈左成分鐘 都未撈得散啲飯
食完 啲血糖升得仲快 🤢
再黎 蘿白好冧 無咬口 酸到盲佬都開眼
泡菜就死鹹
Gimbab諗住安全啲 但除左好少既麻油味
我就好似食緊一舊咬左好耐 已經無晒味既香口膠咁
泡菜餃子皮薄無爛 呢個值得讚點個醋醬食不錯的
跟住到主菜啦
麵既質地煙韌彈牙，但完全唔襯個辣湯底
反正兩者係各有各味道 配搭唔埋
或者應該真係叫個清湯可能會好啲！？
88蚊一碗排骨湯麵 我有3舊大骨 但得一舊有肉
女友個碗仲離譜 牛肉麵 見唔到有牛片
但有一兩撮好似葱絲咁幼既牛絲😂
笑左出聲真係
最後埋單240左右
香港人真係犯賤 硬係中意俾錢買難受
走去做試伏器
但商家可唔可以俾翻啲誠意
而家好多好食既本地餐飲小店 捱都捱唔住
你咁樣搞
只會令更多香港人對自己市場 最後個小小信心都無埋
張貼
