影片
更多
2023-07-02
1521 瀏覽
餐廳：Boaz House (荃灣)地址：荃灣荃華街3號悅來坊B1樓B122B號舖荃灣悅來坊呢間Boaz House主打地中海同以色列菜式🇮🇱，香港少有。仲記得2019年去咗人生第一次以色列，嗰陣喺加利利海附近食過一次彼得魚(Peter Fish)就深深愛上❤️，今次再食以色列菜真喺勾返起好多回憶🥰老闆專誠搵嚟喺半島酒店做過嘅總廚去設計餐廳嘅菜單同調配醬汁嘅recipe📃，食物有質素保證；餐廳佈置落足心機，大有大量同基督教有關嘅裝飾：印有經文嘅掛飾🖼、掛喺天花嘅鴿子🕊️、打卡一流嘅花牆等🌸。餐廳不時會借出場地去舉行宗教聚會、敬拜、活動，希望每個嚟到嘅人都可以感受到呢份基督嘅愛與同在🙏今次叫咗佢哋嘅「Boaz 2人套餐」，可以食到好多香港少有嘅以色列特色傳統食物，最重要$780有夠3個人食嘅食物份量，2個人喺完全食唔晒🤣，因為當中有原條彼得魚同全隻烤雞，仲有大量薯角同薯仔做伴碟🥔，真喺食到捧住個肚走之餘仲要打包拎走🥡先飲咗個足料蘑菇忌廉湯，每啖都食到粒粒蘑菇碎🍄，有豐富嘅蘑菇香而一啲都無死鹹味道；之後有橄欖油紅酒醋古斯米沙律🥗，原來老闆有9萬呎農地去種菜，呢個沙律所用嘅菜都喺自己種嘅水耕菜🥬
地址：荃灣荃華街3號悅來坊B1樓B122B號舖
荃灣悅來坊呢間Boaz House主打地中海同以色列菜式🇮🇱，香港少有。仲記得2019年去咗人生第一次以色列，嗰陣喺加利利海附近食過一次彼得魚(Peter Fish)就深深愛上❤️，今次再食以色列菜真喺勾返起好多回憶🥰
老闆專誠搵嚟喺半島酒店做過嘅總廚去設計餐廳嘅菜單同調配醬汁嘅recipe📃，食物有質素保證；餐廳佈置落足心機，大有大量同基督教有關嘅裝飾：印有經文嘅掛飾🖼、掛喺天花嘅鴿子🕊️、打卡一流嘅花牆等🌸。餐廳不時會借出場地去舉行宗教聚會、敬拜、活動，希望每個嚟到嘅人都可以感受到呢份基督嘅愛與同在🙏
今次叫咗佢哋嘅「Boaz 2人套餐」，可以食到好多香港少有嘅以色列特色傳統食物，最重要$780有夠3個人食嘅食物份量，2個人喺完全食唔晒🤣，因為當中有原條彼得魚同全隻烤雞，仲有大量薯角同薯仔做伴碟🥔，真喺食到捧住個肚走之餘仲要打包拎走🥡
先飲咗個足料蘑菇忌廉湯，每啖都食到粒粒蘑菇碎🍄，有豐富嘅蘑菇香而一啲都無死鹹味道；
之後有橄欖油紅酒醋古斯米沙律🥗，原來老闆有9萬呎農地去種菜，呢個沙律所用嘅菜都喺自己種嘅水耕菜🥬，包括綠珊瑚同生菜，當中加咗食落好似藜麥、用粗麵粉製成嘅古斯米，配埋橄欖油同紅酒醋令沙律更加酸香開胃
以色列傳統小食拼盤有土豆庫格爾同傳統蔬菜球，庫格爾喺猶太美食，好似蘿蔔糕嘅形狀，拎去烤焗後外層輕輕焦脆有薯香🔥，而除咗薯仔之外，仲有雞蛋、洋蔥同其他調味料；
蔬菜球嘅主要材料喺鷹嘴豆泥，加上多種中東香料，食落外層鬆脆內有澱粉嘅口感，有濃烈鷹嘴豆香，一啲都唔油膩👍
主食有彼得魚一條同以色列烤焗無激素全雞一隻，相信基督徒對於彼得魚相關嘅聖經故事一啲都唔陌生，而原來彼得魚即喺鯽魚🐟，魚皮炸到十分香脆，
雪白嘅魚肉嫩滑啖啖肉，一啲都唔腥，加啲檸檬汁就更鮮香；
烤雞嘅份量大到驚人😍，用中東香料烤焗未食已經香味撲鼻，
薄脆金黃嘅雞皮底下痴住多汁鮮嫩嘅雞肉，底下嘅薯仔同蔬菜吸咗烤雞多餘嘅油份，拎起隻雞髀嚟咬真喺夠晒過癮🤤
流奶與蜜喺以色列由街頭小販到高級餐廳都會見到嘅特色甜品，呢個牛奶布丁加咗玫瑰花醬、鮮玫瑰花瓣🌹、開心果碎同以色列蜂蜜🍯，除咗有濃滑奶香仲有陣陣清新玫瑰花香同蜂蜜嘅甘甜，開心果帶嚟更豐富嘅口感層次；
飲品叫咗以色列嘅健康特飲——鮮薄荷檸檬汁，用咗水耕薄荷葉加鮮檸檬汁整成，食完呢餐都算多煎炸食物嘅二人餐再飲，清香之外又解渴🌱
張貼
