舅父仔火鍋專門店

營業中

休息中

多次光顧，仍然保持水準，值得寫下食評。今次相約幾位朋友到舅父仔，負責人介紹池魚王剌身，新鮮好味，大家都一致讚好。本來想叫招牌豬骨湯底， 負責人建議我們可將池魚頭及魚骨作湯底，魚湯內有豆腐，白菜好得👍🏻味道一流。飲完湯可再用來打邊爐，真係不同食法。當日有虎𧎚推介，朋友想食椒鹽虎蝦，又做到😋😋。我最喜愛薄切牛肉刺身，每次負責人會問，需吾需要微微炙燒下或照上，因應客人口味有所調整，真細心。火鍋食材最緊要新鮮，舅父仔做到。👍🏻朋友一致話無介紹錯，食材新鮮，味道好，環境寬敞舒適，好窩心。