影片
更多
2023-06-05
33 瀏覽
《鮨燐 - 尖沙咀》我都覺得自己都啲過份😂一好番無耐，就管唔住自己為食既咀，走左去同車車食Omakase啦😊不過今次食既呢一間日式餐廳質素真係十分唔錯，晚市有三個Omakase set選擇，我同車車揀左中價$1680/位既set，由頭食到落尾食左兩個幾鐘，有前菜、刺身、熟食、壽司、湯同甜品，食完真係好飽呢😋同埋我想講負責我地枱既師傅好靚仔勁cute🤫成餐飯睇得又好食😏💁🏻♀️前菜🔹香魚🔹枝豆🔹赤水母上嚟嘅第一道菜好精緻，係一個三色前菜拼盤，香魚原條炸到脆卜卜，食落有魚嘅甘香，枝豆可以剛好當清清味蕾，然後再食個帶酸酸地既赤水母，咬落爽口味道清新，好醒胃👍🏻我幾鍾意💁🏻♀️刺身七味🔹石鯛 第一款刺身魚味較淡，不過個質地好特別，咬落有質感而且有點自然既鮮甜，可以一半點竹炭鹽食，另一半點師傳提供既柚子醋食，個人覺得點竹炭鹽會更突出魚肉個甜味，好impressed☺️🔹岩手縣赤崎真蠔 見到個蠔就知又係正野🥰好巨大，日本蠔一般都係較creamy，食落啖啖肉唔會腥，上面放左土佐啫喱醋同落左柚子皮調味，令個蠔食落無咁漏又帶點清爽，食完一段時間口腔都仲留有回甘，真心好食👍🏻🔹鹿兒島間八魚🔹灸燒中腩 師傅建
我都覺得自己都啲過份😂一好番無耐，就管唔住自己為食既咀，走左去同車車食Omakase啦😊不過今次食既呢一間日式餐廳質素真係十分唔錯，晚市有三個Omakase set選擇，我同車車揀左中價$1680/位既set，由頭食到落尾食左兩個幾鐘，有前菜、刺身、熟食、壽司、湯同甜品，食完真係好飽呢😋同埋我想講負責我地枱既師傅好靚仔勁cute🤫成餐飯睇得又好食😏
💁🏻♀️前菜🔹香魚🔹枝豆🔹赤水母
上嚟嘅第一道菜好精緻，係一個三色前菜拼盤，香魚原條炸到脆卜卜，食落有魚嘅甘香，枝豆可以剛好當清清味蕾，然後再食個帶酸酸地既赤水母，咬落爽口味道清新，好醒胃👍🏻我幾鍾意💁🏻♀️刺身七味
🔹石鯛
第一款刺身魚味較淡，不過個質地好特別，咬落有質感而且有點自然既鮮甜，可以一半點竹炭鹽食，另一半點師傳提供既柚子醋食，個人覺得點竹炭鹽會更突出魚肉個甜味，好impressed☺️🔹岩手縣赤崎真蠔
見到個蠔就知又係正野🥰好巨大，日本蠔一般都係較creamy，食落啖啖肉唔會腥，上面放左土佐啫喱醋同落左柚子皮調味，令個蠔食落無咁漏又帶點清爽，食完一段時間口腔都仲留有回甘，真心好食👍🏻🔹鹿兒島間八魚🔹灸燒中腩
師傅建議食左原味刺身先，入口有魚油香但又唔算太肥膩，上面放左三星漬面豉醬，唔洗點任何野已經夠味，另外灸燒魚腩已用柚子胡椒調味，入口油份大爆發，有微微焦香既味道🔹赤貝
食完重味既，再食番清新口味既貝類，有我喜歡既赤貝配橘子汁，我最鍾意就係睇師傅處理完個貝之後拍佢一下果一下，勁得意😎赤貝入口鮮爽脆口，有少少赤貝本身既甘味出左黎🔹黑鯥魚
第一次食佢，黑鯥算係魚油份較高既魚，但肉質出奇地彈牙同重魚味，灸燒過後迫左啲魚油出黎，原以為佢會係入口就溶左既感覺，點知個肉係出奇地彈牙，好似食緊有魚味既肥豬肉咁，係好食的🔹北海道產銀鱈魚bb
雖然好好食，不過食左人地bb🥲師傅喺刺身上面放左食用花，睇得又食得，淋上左自家製面豉醋汁，味道帶酸甜而又唔會太搶過銀鱈魚既味道，肉質滑溜爽口，又係好似食緊肥豬肉咁，味道同質感令人印象深刻的好🔹呑拿魚中腹
靚既呑拿魚刺身只要點少少竹炭鹽就已經好好味，入口有魚味而且甘甜🔹灸燒大呑拿魚腩
大Toro係每次食Omakase 都會好期待既一道刺身，上面有切碎既長蔥，食落清香而又帶起左魚既惹味😉無得輸的💁🏻♀️和食
🔹櫻花蝦什菜餅
什菜餅入面既蔬菜種類幾多，食到芋頭、茄子、蔥等，同櫻花蝦既味道好合拍，點少少岩鹽已經好惹味
💁🏻♀️壽司🔹深海池魚
上面搽左一層薄薄既醬油，肉質肥美，味道細膩🔹富山灣白蝦
蝦肉鮮甜，好清爽既感覺🔹呑拿魚赤身
赤身應該經過醬油漬，完全唔會有魚果陣腥味，反而帶出左呑拿魚果種獨特既甘香🔹鳥貝
食落爽口，師傅超大力打到佢飛天，睇住佢收縮果一下好治癒😌🔹金目鯛
皮下脂肪厚，燒完迫左啲脂肪出黎，入口感覺好肥美🔹北海道馬糞海膽
Last but not least，壽司環節最期待既海膽，入口化開又細膩又軟滑，好想可以encore🥰💁🏻♀️白麵豉湯
食完咁多生野，飲番個鮮甜既暖湯暖暖個胃就最舒服，真心好滿足
💁🏻♀️自家製抹茶奶凍
連甜品既製作都完全唔馬虎，下面放左炒過既椰絲，每啖奶凍都滲有椰香味，超好食，完美地End到呢一餐Omakase
張貼
